Magaalada Baydhabo oo ay ka socota abaabul mooshin xilka loogu qaadayo Shariif Xasan.
Muqdisho, Talaado 16 January 2007 Simba Radio
Magaalada Baydhabo ee Xarunta Gobalka Bay ayaa waxaa hareeyay hadal heynta ku saabsan inuu socdo mooshin la doonayo in la horgeeyo Baarlamaanka Somalia kaasoo xilka looga qaadayo Gudoomiyaha Baarlamaanka Somalia Shariif Xasan Sheekh Aadan.
Gudoomiye Ku Xigeenka Labaad ee Baarlamanka Federaalka Soomaaliya Cusmaan Cilmi Boqore oo warasi gaar ah ay la yeelatay Idaacada Simba ayaa waxaa uu sheegay in isagu shaqsi ahaan ka warqabin mooshin ka dhan ah Gudoomiyaha baarlamanka Federaalka soomaaliya Shariif Xasan sheikh adan e ku aadan in lagu sameeyo xil ka qaadis balse waxaa uu shaaca ka qaadan in hadal heynta mooshinkaasi ay tahay mid si weyn ugu badan dadka magaalada Baydhabo.
Cusmaan Cilmi Boqorre aya shaaca ka qaaday in hadii uu baarlamanka soo Gudbiyo mooshinkaan ka dhanka ah Gudoomiyaha Baarlamanka ay noqon doonto sida uu sheegay in uu ku eyn doono xilkii uu ka hayay Baarlamanka.
Boqore ayaa sidoo kale shaaca ka qaaday in safarada uu Gudomiyaha Baarlamanka Federaalka soomaaliya ku tagayo wadamo ka mid ah caalamka in uu yahay mid isaga u gaar ah aysan ahayn mid ay wax ka ogyihiin mas'uuliyiinta sar sare ee Dowlada federaalka soomaaliya.
Boorre ayaa tilmaamay in dastuurka Baarlamanka Federaalka uu qeexayo in hadii Gudoomiyaha Baarlamanka mudo laba bilood ah ka maqnaado shaqadii baarlamanka uu ku weynayo sida uu sheegay xilkiisii.
Hadalkaani ka soo baxay Boqore ayaa waxaa uu ku soo beegmayaa iyadoo shalay magaalada Baydhabo uu shir jaraaid ku qabtay Geedi kaasi oo ay saxaafada wax ka weydisay mooshinkaani ku aadan xil ka qaadista la doonayo in lagu sameeyo Shariif Xasan waloow uu ka gaabsaday inuu arintaasi ka hadlo, bale uu sheegay inuu ka maqlay Saxaafada qaarkood.
Simba Media Center, Muqdisho Somalia.
Email: simba@simbanews.com
