The Sheik Sharif of the UIC was captured trying to sneak into Kenya.
Gudoomiyaha golaha fulinta ee Maxaakiimta Islaamka oo la sheegay inuu galay gacanta Ciidamadda Kenya .halkee laga qabtay Sheekh Shariif?
Muqdisho , Arbaco, Jan, 17, 2007 Waaga Cusub
Wararka laga helayo Sirdoonka dalka kenya waxay tibaaxayaan inuu u gacan galay Gudoomiyahii golaha fulinta ee Maxkamadaha Islaamka Sheekh Shariif Sheekh Axmed ,inkastoo aysan wali Jaraa'idka dalkaas wax xoga helin.
Sirdoonka kenya iyo kuwa Mareykan ah ayaa ku sir waramay inay hogaamiyaha Maxkamadaha ka qabteen degaanka Wajeer Kenya,hadana u gudbiyeen Magaaladda Nairobi,si su-aalo looga waydiiyo halka ay ku dambeeyaan Sheekh Xasan Dahir Aweys,Aadan Xaashi Cayroow,C/Raxman Sudani,Fazul Abdalla iyo Saleh Ali Saleh Nabhani oo ka mida ragga ay baadigoobayaan Mareykanka laguna eedeeynayo qaraxyadii lala beegsaday Safaaradaha Mareykanka iyo Hotelka Paradise ee Yahuuda ku lahayd Mombasa.
Sheekh Shariif Sheekh Axmed ayaa mudadii u dambeeysay wuxuu ku sugnaa degaanka Jooraha ee ku dhaw xaduudka kenya,waxaana la rumeeysan yahay inuu yahay hogaamiye shacbiyad badan leh ,walina loolan awoodeed ku dhex leh masraxa Siyaasadda Soomaaliya. Dowladda Kenya waxay hore magan galyo u siisay Madaxweyne Siyaad Barre oo ay dejisay hotelka Safaripark 8 may 1991-dii balse waxay Marxuum Siyaad dalkeedda ka masaafurisay bil kadib markii xoogaga USC -da ku hanjabeen inay weerarayaan kenya hadii uu Siyaad ku sii sugnaado.
Dowladda kenya waxay laba todobaad ka hor qabatay ganacsadaha wayn ee ahaa maalgeliyaha Maxaakiimta ninka lagu magacaabo Xaaji Abuukar Cumar Cadaan oo uu wehliyay wiil uu dhalay oo isagana Maxkamadaha ka ahaa Xoghayaha Maaliyadda. Sheekha Mayalka adag ee lagu magacaabo Xasan Dahir Aweys ayaan la ogeeyn dalka iyo degaanka uu ku sugan yahay laakiin ilaha xog ogaalkaa waxay tilmaamayaan inuu isaga baxay dalka oo ku sugan yahay Qaahira.
