Page 1 of 1

Shaqaaqooyin Markale Ka Soo Cusboonaaday Deegaanka Daroor Oo

Posted: Mon Feb 05, 2007 3:23 pm
by Enemy_Of_Mad_Mullah
Shaqaaqooyin Markale Ka Soo Cusboonaaday Deegaanka Daroor Oo Dhimasho Iyo Dhaawacba Keenay

--------------------------------------------------------------------------------



()
hadhwanaag 2007-02-05 (Hadhwanaagnews) Daroor(HWN):- Warar lagu kalsoon yahay oo naga soo gaadhayaa Deegaanka Daroor oo ka tirsan kililka 5-aad ee Ethiopia ayaa sheegayaa inay maalintii sabtidii ina dhaaftay ay laba qof ku nafwaayeen, halka mid kale ka dhaawacmay kadib markii iska horimaad hubaysan kooxo ka tirsan Beelaha Deegaanka wada daga (Habar-yoonis iyo Ciidagale).

Shaqaqadan ayaa sida la sheegay la xidhiidha dagaalo sanadkii hore badhtaimihiisii labadan beelood ku dhex maray isla deegaankaas, oo ay dad aad u tiro badan ku kala dhinteen labada dhinacba, taas ooh ore loo xaliyey kadib markii ay u gurmadeen Ergooyin kala socday Somaliland iyo kililka shanaad ee Ethiopia, iyadoo dhexdhexaadintii ergooyinkaa laga soo saaray heshiis gacmaha la isugu saaray labada dhinac, laguna dhaariyey geesba tiro cayiman, isla markaana lagu kala xukumay inuu dhinac walbaaba bixiyo khasaare naf iyo moodba geystay.

Falalkan ka dhacay deegaanka daroor ayaa sida ay wararkuna sheegayaan ayaa ahaa kuwo laisugu geystay si gaadnimo ah ilaa hadana ma jiraan oo lama sheegin wax wara oo ka soo cusboonaaday arrintaasi, balse waxa laga cabsi qabaa inay dhacdooyin kale ka soo cusboonaadaan hadaan si dhakhso ah loogu gurman oo loo kala gaadhin si loo hakiyo dhibaatada oo si balaadhatada.