Maleeshiyo beeleedyada kooxda Mbagathi ee ku sugan magaalada Muqdisho ayaa maalintii labaad ka wada magaalada Muqdisho howlgallo ay ku faro xumeynayaan dumarka Soomaaliyeed.
Maleeshiyooyinka kooxda Mbagathi oo dhowrkii casho ee lasoo dhaafay jidgooyooyin ka sameystay wadooyinka halbowlaha u ah magaalada Muqdisho ayaa lagu soo waramayaa in ay joojinayaan gaadiidka dadweynaha isla markaana la degayaan dumarka xiran xijaabka.
Maleeshiyada kooxda Mbagathi ayaa si qasab ah ilaa shalay xijaabka iyo indha shareerka uga qaadayey dumarka Soomaaliyeed kadibna gubayey xijaabka.
Weriyeyaal tegay wadada hor marta golihii tiyaatarka ayaa sheegay in ay indhahooda ku arkeen maleeshiyada kooxda Mbagathi oo si qasab ah wejiga uga feydaya dumarka Soomaaliyeed kadibna gubaya xijaabyada iyo indho shareerada ay ka fureen dumarka Soomaaliyeed.
Maleeshiyo beeleedyada kooxda Mbagathi oo ay ku jiraan maleeshiyo beeleedka dagaal ooge Cabdullaahi Yuusuf ee loo yaqaan ashahaado la dirirka ayaa bilaabay in ay si toos ah ula dagaalamaan diinta Islaamka iyo akhlaaqda suuban, iyagoo faro xumeyn joogto ah ku haya dumarka Soomaaliyeed ee Muslimka ah.
Culumada diinta ee ugu waaweyn ee Soomaaliya sida Shariif Cabdinuur iyo Sheekh Cumar Faaruuq (Allaah ha dhowree) ayaa dhowaan fatwo ku bixiyay in kooxda Mbagathi ee raacday Itoobiya ay ka baxeen diinta Islaamka, sidaa daraadeed ay lamid yihiin Itoobiyaanka soo duulay.
Shacabka xalaasha ah ee Soomaaliyeed ayaa saakay muujiyay caro xooggan oo ku aadan falalka gaalnimada ah ee ay ku kacayaan maleeshiyooyinka cadowga ah ee Kooxda Mbagathi.
Shacabka Soomaaliyeed ayaa sheegay in ay marna u dulqaadan doonin falalka ay kooxda Mbagathi kula dagaalameyso dadka iyo diinta Soomaaliyeed, waxeyna guushu ku dambeyn doontaa Ummadda Soomaaliyeed ee Muslimka ah, isla markaana uu halaag u sugnaan doono kooxda Mbagathi ee sida cad ula soo ban baxay la dagaalanka diinta Islaamka ah iyo dumarka Soomaaliyeed.
Aayaha.com
Editor@aayaha.com
