Poor Sheik Sharif, he is being kicked out from a "Brotherly" Arab nation to Afbiijo.
So much for the "Abu" jaceel....
Dowladda Yemen oo si rasmi ah u shaacisay in Sheekh Shariif uu ka qeyb geli doono shirka dib u heshiisiinta Soomaalida
Dowladda dalka Yemen ayaa sheegtay in guddoomiyaha golaha fulinta maxkamadaha Islaamka Soomaaliyeed Sheekh Shariif Sheekh Axmed oo haatan ku sugan magaalada Sanca ee dalka Yemen uu ka qeyb geli doono shirka dib u heshiisiinta Qaran ee madaxweyne Yuusuf uu horey ugu dhowaaqay in Soomaalida loo qaban doono.
“Sheekh Shariif wuxuu ku sugan yahay dalka Yemen, wuxuu ka qeyb geli doonaa wadahadalada lagu wado in dhowaan ay Soomaalidu isugu timaado, waxayna arintaasi qeyb ka tahay dedaalka ay Yemen ku dhiirigelineyso islaamiyiinta qunyar socodka ah iney kaa qaataan dib u heshiisinta Soomaalida si nabad buuxda loo gaaro†ayuu yiri wasiirka arimaha dibeda ee dalka Yemen Abukabar Al-Girbi oo saxaafada kula hadlayey magaalada Sanca.
Wasiirka ayaa intaa ku daray in Yemen ay ku kalsoon tahay ka qeyb galka Sheekh Shariif ee shirka dib u heshiisiinta Soomaalida, marka kooxaha kala gedisan ay ay isla meel dhigaan xiliga shirkaasi la qabanayo iyo goorta la qabanayo, waxaana hadalka ka soo yeeray wasiirka arrimaha dibeda ee dalka Yemen uu ku soo beegmay xilli madaxweyne Yuusuf iyo ra’isul Wasaare Geeddi ay horey u shaaciyeen in shirka dib u heshiisiinta Soomaalida aan lagu casuumi doonin maxkamadaha Islaamka, iyadoo dhinaca kale mas’uuliyiinta maaxkamadahana ay iyana sheegeen in inta askari itoobiyaan ah uu joogo ciida Soomaaliya aysan wada hadal la geleyn dowladda federaalka Soomaaliya, lama oga sida dowladda Yemen ay afkaarahan iska soo horjeeda meel isugu keeni karto.
Xafiiska Muqdisho, Somalia
