hadhwanaag 2007-04-02 (Hadhwanaagnews) Hargeysa(HWN) “Siyaasadda aanu UCID ahaan u aragnaa waxa weeyaan doorka ay Ethiopia ka ciyaareyso [Dagaalka] Muqdisho inuu yahay door xaaraana, waxaanay noola muuqataa dawllad reera oo Embeghati lagu soo sameeyey oo C/laahi Yuusuf ajende gaara oo uu aduunkii ka dhaadhiciyey, oo inuu xasuuqi Somaliland uu ku sameeyey Afweyne kiiyoo kale inuu ku sameynayo.Dawllada Ethiopia waanu kala talinayaa oo waan u sheegayaa Ra’iisal wasaaradaha [Ethiopia Meles zanawi] oo ha ku ceeboobin ayaanu ku odhanaynaa, oo yaanu C/laahi Yuusuf dhooqo ku gelinâ€Sida waxa uu Gudoomiyaha Xisbiga Mucaaridka ee UCID Eng, Faysal Cali Waraabe ku sheegay Wareysi uu la yeeshay Weriyaha shabakada Hadhwanaagnews ee magaalada Hargeysa Mustafe-janaale, intii aanu dalka ka anba bixin, wareysigan oo aad u xiisabadan waxa uu tabanayaa dhinacyo badan..
Wareysigii oo dhameystirana waxa uu u dhignaa sidan:-
S:> Safarkiinan aad ku tageysaan qaar ka mida wadamada Bariga iyo Geeska Afrika maxaad isleedahay uu ku soo kordhinkaraa aqoonsi raadintii somaliland oo uu katari karaa?
J:> Horta waxa Somaliland ugu dhawaa inay aqoosi hesho 1992-kii dawlladii SNM-ta ahayd ee C/raxmaan Tuur, innaga [Somaliland] iska banjarinay, oo nidhi waan isheysanaa ee qolona ha ictiraafina ragg siyaasina oo waaweyn ayaa qorey oo waa la hayaa, waynu ka soo kabanay waxaana la doortay Marxuum Cigal isna waa la banjariyey maanta oo ay inoogu dhawdahayna waxay u eegtahay in la banjariyo, xoogag ayey ka go’an tahay dalkan [Somaliland] hadaanay kursigaa [Madaxtooyada] ku fadhiisan inaanu wadanku socon, xogagaas ayaad dadkiinan jaraa’idku caawisaan dadka basar xumida wada ee danahooga eegaya siyaada ka dhigay hebel ayaan nebcahay iyo hebel ayaan jeclay, oo iyadoo magaallada Laas-cood inaga maqan tahay yidhaahda gobolo ayaa nagga maqan, hadaan runta la isku sheegin Somaliland soconmeyso.
Aduunkii inooma diidanaa inay Somaliland socoto ee innaga ayaa isku diidan, koox ayaa doonaysaa inay dalkan [Somaliland] gacanta ku dhigaan, hadii aanay ku dhigina aanay socon kooxahaas waxaanu leenahay dadka reer Somaliland mardanbe been loo sheegimaayo, ninka leh ilaa inaadeerkay kursiga fadhiisto Somaliland soconmayso annagu yeeli mayno inuu inaadeerkaa ku fadhiisto, waxa weyn ayaa maanta iska bedelay arrintan [aqoonsi raadinta] berigii hore dawllada ayuun baa orordi jirtay maanta Barlamaankii iyo Axsaabtii ayaa socda miisaan ayeynu tusaynaa inaynu nahay dad siiriyoos oo wax doonayaa, ilaa hada dadku dawakh ayey qaadeen Somaliland oo waxay leeyin Maxay doonaysaa Somaliland? Iyagii isma ogola waxba ku heshiis maahaa Siyaasada in la qabyaaladeeyo maaha.
Markaa safarkayani wax weyn ayuu taridoonaa Barlamaanada wadamada oo dhan ayaanu la shiridoonaa cajaladihii ka sheegaynayey sidii laynoo xasuuqay oo weligeed la geyn wadamadaas ayaanu geyndoonaa, kii isku soo baxeena ayeynu tusidoonaa innagoo wax wada sheeganaynaa.
Dad badan ayaa ka naxsan oo moodayaa waxaan aanu wadno inaan Rayaale u qabanayno, Rayaale u qabanmayno ee waxaanu u qabanaynaa dalkayaga.
S:> Dadkan ka naxsan ee aad sheegaysaa waa kuwee?
J:> Waa kooxahaa aan doonayn inay Somaliland socoto ee raba inay qabsadaan, waana la yaqaana taariikhda dib u raaca,
Haday waxeenu noqoto ka ciidee iyo ku ciidee, oo aynu kala ciideysano ma sidaas ayeynu shacbiga ku dilaynaa, Markaa shisheeye ha ina xukumo laakin hadaynu doonayno inaynu is xukuno waa inaynu ku ixtiraamnaa dalkan qofkii kolba ilaahay u dhiibo oo dad wax wadadoonayaa noqonaa.
S:>Maxaa ugu weyn ee aad kala hadlaysaan dalalkan Afrikanka ee aad Safarka ku mareysaan?
J:>Waxaanu kala hadlaynaa sidii ictirafka laynoogu soo dedejin lahaa, waxa kale oo aan kala hadlaynaa arrinta Soomaaliya oo annaga ayaa naqaa talladeeda, sidii loo hagaajin lahaa waanu kala hadlaynaa. Dadka ina taageera aad ayey ugu farxeen shisheeyihiina tan iyo isku soo bixiiba way ka naxeen, waxaanay yidhaahdaan waa marka qudha ee la arrko inaad wax wada doonaysaan oo aad isku siyaasad tihiin.
S:> Gudoomiye Faysal waxa uu Madaxweyne Rayaale uu balanqaaday Markii uu la kulmay weftigii ka socday Midowga Yurub inuu Soo Afjaridoono Khilaafkii ka taagnaa Komiishanka bisha April ee fooda inagu soo haysaa, xisbigii Mucaaridka ee KULMIYE ilaa imika wax wara oo laga hayaa ma jiro inuu soo magacaabayo xubintiisa komiishanka iyo in kale balanqaadka madaxweynaha iyo mowqifka xisbiga Kulmiye sidee ayey isku waafaqi karaan?
J:> Horta wax kasta oo dhacaa waa laga heshiiyaa haduu madaxweynuhu yidhi khilaafka [komiishanka) ayaanu ka heshiinaynaa waa mid meesha ku jirta, khilaafkan innaga ayaa abuurnay ee maaha mid meesha ku jiray, inay wakhtigaa inagu qaadatana waa nacasnimadeena meesha hadii aanu sharci oolin aynu isku qabqabsano oo wada tashi ha lagu dhameeyo, laakin meel uu yaalo sharci lagu shaqeeyey 5 sanadood oo aan la bedelin in laga talaabsadaa waxaan u arkaa xaqdaro, dad muusanaabayaa ayaa ka shaqeeyey oo leh tolaay reerkaygii ayaan ku jirin, annagu waanu soo gudbinay kaayagii cidii aan soo gudbin waydiiyaa su’asha.
S:> Gudoomiye xisbigiina UCID waxaad la haydeen Gudoomiyaha Golaha wakiilada wakhtigan aynu joognana waxa soo baxayaa warar sheegayaa inuu khilaaf idin soo kala dhexgalay oo xisbigii kale ayuu u fara dhuudhuuban yahay arrintaas maxaad ka odhan lahayd?
J:>Annaga xisbiga aanu tartamaynaa dacaayada uu naga qoraa Website-ka taageera inaad noo maqashaan maaha, waa sidii xoghayihii guud ee UDUB ee lahaa gurmad ayaanu nahay annaga iyo UCID oo waxa burburaya KULMIYE inaad su’asha na weydiisaan may ahayn, ee kuwa sheegayey halkaad ku maqasheen inaad tidhaahdaan ayey ahayd, anniga (Faysal) iyo C/raxmaan Cirro waxaanu wada nahay laba nin oo xisbi wada dhisay mana nihin laba nin oo go’aan meel ka soo baxa waxaanu ahayn dad aragti mideysan oo ay dalkan wax kaga bedelaan doonayey ayaanu caruurahayagii uga nimi, ee sida ragga qaar halkan umaanu soo lacag doonan.
S:> Gudoomiye Sideed u aragtaa dagaalkan ka socda Koonfurta Soomaaliya iyo Sameynta ay ku leedahay Ethiopia?
J:> Siyaasada aanu UCID ahaan u aragnaa waxa weeyaan doorka ay Ethiopia ka ciyaareyso [Dagaalka] Muqdisho inuu yahay door xaaraana, waxaanay noola muuqataa dawllad reera oo Embeghati lagu soo sameeyey oo C/laahi Yuusuf ajende gaara oo uu aduunkii ka dhaadhiciyey, oo inuu xasuuqi Somaliland uu ku sameeyey Afweyne tiiyoo kale in lagu sameynayo. Dawllada Ethiopia waanu kala talinayaa oo saaxiib ayeynu nahay waanu u sheegaynaa ra’isal wasaaradaha Meles oo ha ku ceeboobin ayaanu ku odhanaynaa, oo yaanu C/laahi Yuusuf dhooqo ku gelin oo yaanu Soomaali kugu dirin, wax soomaaliya oo ka raali ah ma jirto.
Nabsigayagii ayaa hayaa oo waa kuwii lahaa markii aan ku qaxnay dhulkiini ayaad soo gubteen, laakin annagu[Somaliland] ka adkeysanmayno oo waxaanu leenahay ka daaya.
S:> Gudoomiye waxa la leeyahay Barlamaankani wixii hawshooda ahayd ma qabanayaan oo waxay ku dhaqmayaan ku jiqsi bal nooga waran arrintaas?
J:> Xukuumadda iyo Golaha wakiilladu waa inay ka wada shaqeeyan danta guud Barlamaankani waa 82- qof oo la soo doortay,laakin waxa fir-fircoon kuwa danaha gaarka leh.
S:> Gudoomiye Miyaanay dhabar jab inagu ahayn weriyaashi wargeyska Haatuf ee mudada badan xidhnaa ee uu diiday Madaxweyne Rayaale inuu cafis u fidiyo iyadoo cidkasta u tagtay uu ka aqbalay in la sii daayo Weftigii Midowga Yurub ee Booqashada dalka ku yimi arrintaa maxaad ka odhan lahayd?
J:> Arrintan waxay noqotay qoladan [Midowga Yurub] iyo Weriyaashi Haatuf ee xidhnaa way isla kulmeen oo Sakaaradii budka la kulantay ayey noqotay, Madaxweynahaana isku gaadhsiiyey saamaxaada mar hore ayuu balanqaaday si aanu murankaasi u iman inta aanu libinta iska qaadin uu mar hore siidaayo, laakin wax raada oo ay EU-da ku lahayd Siideynta Weriyaasha wargeyska Haatuf may jirin.
