Hayadda Samafalka HIRDA Oo Cunno U Qaybisay Dadka Ka Qaxaya Colaada Muqdisho Oo Ku Sugan Goballada Jubbooyinka
Apr 04,2007
by Kismaayo-GEDO-NN
Iyadoo ay sii kordhayaan dadka ka cararaya dagaaladii ka dhacay caasimada Soomaaliya ee Muqdisho ee gaaraya Tuulada xadka Kenya ku taala ee Dhoobleey ayay Hayadda Hirda Cunno gargaar u qaybisay dadka tabaalaysan ee ku sii qulqulaya Dhoobleey. Deeqdaas ayaa waxaa hayadda HIRDA soo gaarsiiyey labada hayadood oo kale ah ARAHA ( American Relief Agency for Horn Africa) iyo Hayadda LIFE organization oo labada ah laba hayadood oo ka dhisan Maraykanka.
Axmed Faarax Cali Aways oo wakiil ka ah Hayadda Hirda oo fadhigeedu yahay dalka Netherlands ayaa u sheegay Gedonet in uu Gaarsiyay in kabadan 400 oo qoys Cunno dhan 200 oo kiish oo ah Bur, 200 oo kiish oo ah bariis iyo 100 Gartoon oo Saliid ah taas oo ay ugu dhiibtay hay,ada Hirda dadka u qaxay Kenya ee loo diiday in ay xadka Galaan.
Dadku si aad ah ayay ugu diirsadeen laakiin ma ahan mid le eg dhibaatada haysata dadkaq tabaalaysan oo geedad hoostood ku nool†ayuu yiri Aways oo intaas ku daray in mas,uuliyiinta Deegaankaas ay soo dhaweeyeen Tallaabada ay hayadda Hirda ku caawisay dadka qaxaya.
Waa hayaddii ugu horaysay ee kaalmo biniaadanimo gaarsiiyay Dadka ka firxanaya colaada ka aloosan Magaalada Muqdisho oo markii ay gaareen dhoobleey ay dawlada Kenya u diiday in ay gudaha U galaan Xadka Xiran si ay u beegsadeem Xeryaha qaramada midoobay ee loogu talogalay qaxootiga Soomaalida Ee xagardheer iyo Ifo.
N D F-GEDO-NN-Kismaayo
