Madaxii warfaafinta madaxtoyada Somalia ee ku dhex fakaday Dalka Bilguim C/laahi Khadar kadib markuu halkaa gaaray asgoo ka mid ah Wafdigii Madaxweynaha Somalia Sheekh Shariif Sheekh Axmed ayaa lasheegay in ay qaar ka mid ah Ehaladiisa hoose kasoo kaxeeyeen Dalka Bilguim ayagoo kusoo wajahan Wadamada scandinavien ama Engriska si uu isga dhiibo qaxooti ahaan halkaasi sida ay noo xaqiijiyeen asxaab aad ugu dhun daloosha C/laahi Khadar.
Bileyska Magaalada Brussels ee Dalka Belgium ayaa wada baritaano ku aadan arintaasi, waxeeyna su’alo ka weydiiyeen dhalinyaro Somaliyeed oo ay ku tuhun sanaayeen ineey ka qeeyb qaateen qarinta Madaxii warfaafinta madaxtoyada Somalia, warar lagasoo xigtay Bileyska Dalka Belgium ayaa sheegaya in ay galiyeen magac iyo masawiradiisa Interpool-ka ayna ku amran dhamaan wadamada reer yurub in lasoo qabto Madaxii warfaafinta madaxtoyada Somalia C/laahi Khadar si loogu caliyo Dalka Somalia, sidoo kale waxeey Bileysku baaritaano ku hayaan dad la tuhun sanyahay ineey ku lug leeyihiin arintaasi oo hadeey ku cadaato ay sababi karto in ay muteystaan xarag ama in laga ceshto sharciga.
Dhinaca kale Warar lagu kalsoon yahay oo aynu ka heleyno illo ku sugan wadanka belguimka ayaa waxeey ku waramayaan ugu yaraan 15 ka mid ahaa wafidigii Madaxweynaha Somalia Sheekh Shariid Sheekh Axmed, in ay iska dhiibeen Magaalada Brussels ee Dalka Belgium-ka xero qaxooti oo ku taala waqooyiga magaalada Brussels kadib markii lacago farabadan ay ku baxsheen in loo ekeysiiyo wafdi ka socda dowlada somalia sidaana ay ku tagaan dalka Belgium-ka.
Dadkaan Somaliyeed oo qaxooti doonka ah, isla markaan ku dhex fakaday dalka Bilguimka ayaa waxaa ka mid ah C/laahi Khadar oo ahaa agaasima warfaafinta madaxtooyada madaxweynahana saxaafada u matali jiray laguna xasuusto socdaalkii uu madaxweyne sheekh shariif uu ku marayay dalalka Turkiga iyo Masar ayaa isguna goosashadiisa waxaa ay timid ka dib markii la tagay Brussels halkaas oo uu madaxweynaha iyo wafdigiisa kaga qeybgalayeen kulankii loogu yaboohayey dawlada Somalia dhaqaale gaarayey 250 milyan $.
Dadkaan soomalida ee ku dhex fakaday Dalka Bilguimka ayaa waxeey wararku sheegayeen in ay dalka Kenya magaalo madaxdiisa Neyroobi ay ka soo raaceen Wasiirka Maaliyada Shariif Xassan Sheekh Aadan, waxaana lagu tuhun san yahay in uu qorshuhu lacagtaasi tirada badan laga helay uu wax ka ogyahay wasiirka maaliyada shariif xassan Sheekh Aadan.
Illo xog ogaal ahi oo ka mid ah ehelada somalida qaxootinimada isu dhiibay islamar ahaataana ku sugan dalka Bilguim ayaa Radio Ogaal u sheegey in qofkiiba laga soo qaatay 7000 $ .
