Caasimada Hargeysa oo lagu mataaneynayo Caasimada Stockholm Sweden
Sweden,(Qarannews)-Wasiir Ku-xigeenka Wasaaradda Qorsheynta Qaranka Mudane Ahmed Haashi Abdi, Wasiir Ku-xigeenka Wasaaradda Arrimaha Debedda Mudane Ahmed Aden Ismail, Wasiik Ku-xigeenka Wasaaradda Caafimaadka iyo Shaqaalaha Mudane Mahdi Osman Buuri iyo Mayarka Caasimadda Hargeysa Mudane Hussein Mohamoud Jicir ayaa Maanta oo bishu tahay 23 july 2009 la kulmey Mudane Per Spolander oo ah ku simaha Maayaraka Caasimada Stockholm ahna Madaxa qeybta Arimaha Caalamiga ah (Acting Mayor and Head of EU& International Department). Waxa kale oo shirkaas ka qeyb galay Catharina Klingsborg oo ka socota xafiiska Maayarka. Waxa kale oo shirkaas ka qeyb galay Wakiilka Somaliland ee Sweden Mudane Eidarus Sh Adan iyo Maeed Isaak. Per Spolander ayaa warbixin ku saabsan sida loo maamulo Caasimada Stockholm siiyey wefdiga. Ka dibna waxa warbix ku saabsan Caasimada Hargeysa siiyey Maayarka Hargeysa Inj. Hussein Mohamoud Jicir Munaasabadaas waxa uu Maaaayarka Hargeysa siiyey hadyad Maayarka Stockholm. Ku simaha Maayarka Stockholm ayaa mahad naq u soo jeediyey Maayar Jicir. Waxa Labada dhinac waxa ay ka wada hadleen sidii labada caasimadood ay wax u wada qabsan lahaayeen. Kadib wax ay wefdigu tageen Degmada Kista-Rinkeby oo ka mid ah xafadaha ku taal Stockholm. Halkaas waxa ku qaabiley wefdiga Madaxa Degmada Håkan Serdèn iyo Gudoomiye Ku-xigeenka gudida Siyaasada ee Degamad Mudane Abebe Hailu (Deputy Chairman, District Council). Mudane Håkan Serdèn iyo Abebe Hailu waxa ay uga warameen sida loo maamulo degmada Kista-Rinkeby. Degmadan waxa deggan dad badan oo reer Somaliland ah. Waxa labada dhinac isla garteen in la mataaneeyo Caasimada Hargeysa iyo Stockholm. Maayar Jicir ayaa casuumad u fidiyey in ay madaxa Caasimada Stockholm ku yimaadan Hargeysa.. Casuumadasna wey aqbaleen. Waxa labada caasimadood isla garteen in ay ka wada shaqeeyaan arrimaha ku saasan horumarka bulshada, debeeciga iyo sidii tababar loo siin lahaa shaqaalaha Caasimada Hargeysa. Markii uu shirarkaas dhamaaday waxa wefdiga la siiyey hadyado ka socoda Degmada Kista Rinkeby Stockholm.
Waxa kale oo wefdi la tusay oo lagu soo wareejiyey Guriga Caasimada Stockholm (Stockholm City Hall) oo ah dhismo caan ah oo dalxiisku aad u jecelyahay. Sannadkastana lagu qabto xafladda dadka la siiyey biladda Caalamiga ee nobeelka (Noble prize winner) oo sannadkasta ka dhacda Guriga Degmada Stockholm (Stockholm City Hall) 10 diisambar.
Shirarkaasi waxa ay ku dhamaadeen is faham iyo is afgarad Mohamed Hassan Freelance Journalist , Stockholm Sweden
http://www.qarannews.com/index.php?opti ... &Itemid=62
