Welcome to SomaliNet Forums, a friendly and gigantic Somali centric active community. Login to hide this block

You are currently viewing this page as a guest. By joining our community you will have the ability to post topics, ask questions, educate others, use the advanced search, subscribe to threads and access many, many other features. Registration is quick, simple and absolutely free. Join SomaliNet forums today! Please note that registered members with over 50 posts see no ads whatsoever! Are you new to SomaliNet? These forums with millions of posts are just one section of a much larger site. Just visit the front page and use the top links to explore deep into SomaliNet oasis, Somali singles, Somali business directory, Somali job bank and much more. Click here to login. If you need to reset your password, click here. If you have any problems with the registration process or your account login, please contact us.

DHEGAYSO HEESTII SNM

Dedicated for Somaliland politics and affairs.

Moderator: Moderators

OUR SPONSOR: LOGIN TO HIDE
User avatar
Siciid85
SomaliNet Super
SomaliNet Super
Posts: 21345
Joined: Mon Feb 02, 2009 9:11 pm
Location: Somaliland

DHEGAYSO HEESTII SNM

Postby Siciid85 » Tue Apr 06, 2010 2:42 pm

http://oodweynenews.com/display_page.ph ... leid=16694




Xus Ballaadhan Oo Maanta Loo Sameeyey Sannad-guuraddii 29-aad Ee Ka Soo Wareegtay Aasaaskii Jabhadii Horseedka U Noqday Xornimada Somaliland Ay Hadhsanayso Ee SNM

http://oodweynenews.com/display_page.ph ... leid=16696

User avatar
Siciid85
SomaliNet Super
SomaliNet Super
Posts: 21345
Joined: Mon Feb 02, 2009 9:11 pm
Location: Somaliland

Re: DHEGAYSO HEESTII SNM

Postby Siciid85 » Tue Apr 06, 2010 2:58 pm

Saaka waxa magaalooyinka gaar ahaan caasimada Hargeysa looga dabaal degayaa xuska sanad guuradii 29aad ee aas-aaskii SNM oo 6-dii April 1981-kii lagaga dhawaaqay magaalada London ee carriga Ingiriiska, waxaana lagu wadaa inay fagaaraha khayriyadda Hargeysa khudbado munaasibadaa la xidhiidha ka jeediyaan qaar ka tirsan aas-aasayaashii iyo guud ahaan hogaamiyayaashii siyaasadeed ee ururka SNM.

Waxa ururka SNM magaalada London kaga dhawaaqaysiyaasiyiin isaga yimid dalalka Carabta iyo kuwa Reer Galbeedka gaar ahaan dalka Ingiriiska. Hase yeeshee marka laga yimaado kooxaha London kaga dhawaaqay ururka SNM, haddana dareenka mucaaradada ee aas-aaska ururka SNM intaa wuu ka sal-balaadhnaa, waxaana xataa jirey rag door ah oo gudaha ku jirey ama haddii ay doonaan ka tirsanaa maamulkii Siyaad Barre, oo uu ku jirey guuxa mucaaraddada, kuwaas oo xidhiidh la lahaa dhaqdhaqaaqyadii debbadda.

Hadaba waxaa Shabakada Halganews ka samaysay daraasad la xidhiidha aas-aaskii SNM, sidii loogu dhawaaqay, dareenkii mucaaradeed ee xiligaa jirey iyo dareenkii uu ka bixiyey hogaamiyihii taliskii Milatari ee wakhtigaa ka talinayey, Maxamed Siyaad Barre, iyada oo arrintaa ay ka hadleen rag door ah oo ka tirsan aas-aasayaashii SNM, iyo hogaamiyayaashii siyaasadeed iyo Milatari ee ururka SNM, oo markii lagu dhawaaqay muddo yar ka dib noqday urur xoogan oo ka kooban garab milatari iyo garab siyaasadeed labadaba, wuxuuna ururkii SNM in ka badan 10 sanadood dagaal hubaysan kula jirey xukuumaddii Maxamed Siyaad Barre, oo dalkii Soomaaliya ka talinaysay in ka badan 21 sanadood.

Maxamed Siyaad Barre dareen cadho leh ayuu ka bixiyey ku dhawaaqidii ururka SNM wuxuuna waxyar ka dib xabsiga u taxaabay rag badan oo masuuliyado sar sare ka hayey dawladdii uu madaxweynaha ka ahaa, kuwaas oo uu ku tuhmayey inay xidhiidh la leeyihiin ururka cusub ee mucaaradka ah ee lagaga dhawaaqay magaalada London.







Sida ay sheegeen qaar ka tirsan aas-aasayaashu ilaa afar nin ayaa markii ugu horeysay ku dhawaaqay magaca ururka laakiin waxyar ka dib ayaa isla magaalada London lagu qabtey shirweyne si rasmi ah loogaga dhawaaqay aas-aaska ururka SNM, laakiin afarta nin ee markii u horeysay saxaafadda u sheegay magaca ururka SNM waxay kala ahaayeen Xasan Aadan Wadaad-diid, Maxamed Xaashi Cilmi, Axmed Ismaaciil (Duqsi) iyo C/Salaan Yaasiin, waxaase muddo yar ka dib qabsoomay shirweyne aas-aaskii ururka SNM, waxaana magaalada London laga sameeyey warside la ku hadla afka ururka SNM, magaciisuna ahaa Somali uncensored, joornaalkaas waxa tifaftire ka ahaa Mujaahid Xasan Ciise Jaamac, oo isaga laftiisu ka mid ah raggii magaalada London kaga qayb qaatay aas-aaskii ururka SNM.

Hase yeeshee muddo todoba bilood ka dib ayey saraakiil sare sare oo ciidamadii Soomaaliya ka tirsani u talaabeen dhinaca dalka Itoobiya, halkaas oo iyaguna ka aas-aaseen garab Milatari oo ururka SNM ah, intaa ka dibna waxa is qabsaday halgankii siyaasadeed iyo kii milatari ee ururka SNM, wuxuuna ururka SNM noqday mucaarad kulul siyaasiyan iyo Milatari ahaanba, oo laf dhuun gashay ku noqday xukuumaddii Milatari ee Siyaad Bare.

Ururka SNM waxa uu ka abuurmay cadaadiskii ay xukuumaddii Siyaad Barre saartey dadkii ku dhaqnaa gobolada waqooyi ee Jamhuuriyaddii Soomaaliyah haatana ah Dalka Somaliland, iyada oo ay taa ka horeysay tabashooyin soo jiitamay ilaa iyo xiligii midawga, ee Somaliland iyo Soomaaliya 1960-kii, ka dib markii ay labadaa dal xorriyadoodii ka kala qaateen labadii gumaysi ee Ingiriiska (Somaliland) iyo Talyaaniga (Soomaaliya).

Sidaa darteed Shabakada Halganews waxay hambalyo u diraysaa dhamaan shacbi waynaha Somaliland guushaa uu soo hooyay Ururkii SNM oo ah xoriyada Somaliland ay maanta hadhsanayso waxaananu si gaar ah u hambalyaynaynaa inta ka nool Halgamayaashii SNM ee sida sharafta iyo karaamada leh naftooda ugu sadqeeyay in ay shacbigooda ka dul qaadaan taliskii dhiigya cab ka ahaa ee dhibaatada badan u gaystay.

aanu kaga baxno Qormadan baydadkan ka tirsan gabaygii Gud-gude ee Maxamed Ibraahim Warsame Hadraawi



Nin dharaar wuxuun laga guntay, guushu jamataaye
Gobannimadu ruux kuma xidhniyo, Giib ninkii dilaye
Agaabaynta maalmaha gudbiyo, galaha taariikhda
Gadood dhacayba sheekuu lahaa, geyfan iyo raade
Ganba-xoorka waayaha haddii, laysu minan guursho
Dad uun baa ma guurtada lahaa , goobihii baxaye.
Gurgurshaagu awr buu ka yahay, rarasho gaadiide

Gadh-wadeenku ruux buu ka yahay, geylan wadareede
Nin uun baa guddoonsha’e xil waa, laysu gororshaaye
Galladduna waxay saaran tahay , wax isu geygeyne
Inkastuu wax galo ama wax gudo , ama wax weyn gooyo
Inkastuu galool mudhay ka yahay, dhiraha gaagaaban
Hadduu geel abuuriyo hadduu, gaas cartama beero

Inta ruux wax gaadhsiin karaa, way gun dhowdahaye
Noloshana galgalaheeda iyo, gebi ahaanteeda
Waxaan geesi karin baa jiroon, gaar ninawfaline,
Xaajaba gan baa loo unkaa, talaba waa goore
Ummadyahay tiraa kaa gedmane , wax isu geygeyso
Ninkii aad garaaddiyo shaxshaxo, saartay garabkiisa
Kol hadduu dharaar goonya kulul, kaa gelgelin doontay
Waxaad galabsatuun baa jiree, gaado kale yeelo







Halganews, Hargaysa

User avatar
Mr_Alfaas
SomaliNet Heavyweight
SomaliNet Heavyweight
Posts: 3439
Joined: Thu Dec 31, 2009 2:16 pm
Location: Hargeysa...The Diamond City of Somaliland

Re: DHEGAYSO HEESTII SNM

Postby Mr_Alfaas » Tue Apr 06, 2010 3:20 pm

:sland: :up: SNM :up:

Waayo magaalooyinki kale ee somaliland sida Burco Berbera n cerigaabo oodweyne gabiley..n so on looga xusi waayey why only in hargeysa..

Snm tu ma hargeysa oo kaliya ayey aheyd. :lol:


Nimanki Reer burco ee Snm qayb lixaad leh ka qaatay.. xagay mareen.


OUR SPONSOR: LOGIN TO HIDE

Hello, Has your question been answered on this page? We hope yes. If not, you can start a new thread and post your question(s). It is free to join. You can also search our over a million pages (just scroll up and use our site-wide search box) or browse the forums.

  • Similar Topics
    Replies
    Views
    Last post

Return to “Politics - Somaliland”

Who is online

Users browsing this forum: No registered users and 7 guests