Madaxweyne ku xigeenka oo Dalka ku soo Waajahan
Written by Qaran News
Apr 08, 2010 at 12:14 PM
Paris,(Qaran News)-Madaxweyne ku xigeenka Somaliland Axmed Yuusuf Yaasiin ayaa shalay ka soo ambabaxay dalka Faransiiska oo uu in muddo ah u joogay hawlo Caafimaad
Sida ay sheegeen warar ku dhawdhaw Madaxweyne ku xigeenka Socdaalkiisa waxa la filayaa inuu maalmaha soo socda soo gaadhi doono Hargeysa balse inta ka horaysa waxa la filayaa inuu soo maro imaaraatka Carabta oo uu ku hakan doono
Xaalada Caafimaad ee Madaxweyne ku xigeenka ayaa haatan ah mid aad u fiican sida la sheegay waxaana uu imika in muddo ah dalka faransiiska u joogay la tashiyo uu la samaynayay dhakhaatiirtii dawaynaysay
Madaxweyne ku xigeenka Somaliland Axmed Yuusuf Yaasiin waxa uu muddo laba bilood ka badan dalka uga maqnaa arrimo Caafimaad kadib markii ay soo waajahday xaalad Caafimaad oo looga maarmi waayay in loo qaado debdda iyadoo marka hore qorshuhu ahaa inuu tago dalka Jarmalka balse markii danbe ku hakaday faransiiska oo uu ka helay dhakhtar uu Maraykanku leeyahay oo ku yaala duleedka magaaladda paris
Waaheen
