Postby Siciid85 » Fri Apr 09, 2010 8:54 pm
Burco(Oodweynenews)-waxaa maanta (shalay)soo gaadhay magaalada Burco ee Gobolka Tog-dheer wafti ka socda Jaaliyadda Somaliland ee Germany, waftigan oo ka koobnaa 2 xubnood oo kala ah Guddomiyaha Jaaliyadda Germany Maxamed Xuseen Dhacsi iyo mid ka mid xubnaha jaaliyadaasi oo la yidhaa C/laahi Axmed ayaa kulamo Gooni gooni ah la qaatay Maamulka Gobolka iyo kan degmada Burco.
Guddomiyaha Jaaliyadda somaliland ee dalka Jarmalka Mr. Maxamed Xusseen Dhacsi ayaa maamulka Gobolka iyo degmada oo xafiisyadooda uu kula kulmay warbixin kooban ka siiyey hawlaha ay u socdaa iyo waxay maamul ahaan iyaga uga baahan yihiin, wuxuuna u sheegay Maayarka iyo Badhasaabkaba in ay wadaan hawlo ama mashaariic lagu dhisayo Dugsigii hore ee farsamada Gacanta oo ay hore u dhistay dawladda Jarmalku, isla markaasna imminka ay mar kale ka soo dhammeeyeen xaggaas(DAWLADDA JARMALKA) ay dib u dhis lagu samaynayo Dugsigaasi, isagoo warbixiintiisa ku daray in ay hargaysana Dugsi farsamo gacmeed oo kan la mid ah ka dhisayaan oo isagana ay ka soo dhammeeyeen dawladda Jarmalka iyo hay’ado kale oo halkaasi deggenba.
Maayarka Magaalada Burco ayaa isna warbixin Kooban ka siiyey weftiga, Dugsigan farsamada Gacanta ee horeba jarmalku u dhisay, wuxuu sheegay maayarku in ay aad ugu faraxsan yihiin kuna farxaan markasta oo la yidhaa waxbaan u qabanayna Burco, wuxuuna xusay in Dugsigani maamul deegaan ah uu iyaga si gaar ah dhib ugu hayyay, hadday tahay ilaalin, nadiifin iyo dayactir intaba, isagoo ku nuuxnuuxsaday in ay u baahnaayeen cid ay ku sii daayaan oo mar uun dhista ama Deyr ku wareejisa inta la dhisayo, loona baahan yahay Dhisitaanka Dugsigan fursad aad u weynna u ah dhammaanba Dadka Reer Burco.
Badhasaabka Gobolka Togdheer Jaamac C/laahi Biin oo isna xafiiskiisa ku qaabilay weftiga ka socda Jarnalka ee reer somaliland ayaa ka dhegaystay ugu h oreyn wixii ay u sideen, waxayna u sheegeen in waxa keliya ee ay u socdeen ay ahayd sidii aan maamulka iyo dadka reer Burco uga qaadi lahayn jawaab cad oo waafi ah oo ku aaddan dhisitaanka Dugsiga farsamada Gacanta, iyagoo u sheegay in ay meelo badan soo mareen sida Hargaysa oo ay kula soo kulmeen wasiirkii waxbrashada Somaliland Md: Xasan Gadhweyne, isagoo noo sheegaybay yidhaahdeen in Dugsiga ay heshiis kula galeen dhisiddiisa Hay’ado kale, waxaanu maamulka Gobolka Mr.Biin warbixnta waftiga Kadib u sheegay in aanay suuro gal ahayn in cid loo xannibo dhisidda Dugsigani oo uu laftiisu ku sheegay mid aad muhim u ah, wuxuuna xusay in loo baahanyahay Ballanqaad rasmi ah, isagoo u sheegay in hay’ado badani ay kala kulmeen arrintan oo kale isla markaasna aan dib loo arag, isagoo u sheegay mid waliba in uu wasiirka illa madaxweynaha kala hadli doono arrinkan.
maamulka Gobolka iyo kan degmada burco ayuu Guddomiyaha Jaaliyadda Somaliland ee Jarmalku ku wareejiyey Documnetskii caddaymaha ahaa ee Hay’adaha iyo dawladda jarmalka ee hawlahan gelaya ay ku kala saxiixdeen, waxaanu markii danbe badhasaabku kormeer ahaan ugu kexeeyey weftiga dhinacaas iyo iskuulkii farsamada Gacanta, oo ay soo indho indheeyeen sawiro baddana ka soo qaateen.
Dhanka kale waxaa si weyn ula shaqaynayay weftigan ka socda jaaliyadda jarmalka qaar ka mid ah Masuuliyiinta Hay’adda Havoyoco oo iyagu si weyn ugu soo dhoweyey magaalada,waxayna intii badnayd la socdeen weftiga, si ay uga caawiyaan wixii caqabad ay u arkaan ee kala kulanta maamulada ay la kulmayeen waftigu.
Dhisida dugsigan cusub ayaa si weyn u baabiin doona xirfad yarida ka jirta Gobolka isla markaasna yarayn doona dhalinyarada bilaa camalka ah ee badaha ku halaagsama marka ay damcaan in caalamka ay u shaqo tagaan, maadama ay shaqo la’aan dalkooda uga cararayaan, waxaana mid kan lamid ah ay ballanqaaden waftigu inay ka dhisi doonaan caasimadda somaliland, taas oo Guul iyo horumar wax ku ool ah u noqon karta Dalka Somaliland.
your welcome about.
