SDWO (Uganda 20/05/2010) Waxa maalintii salaasada, habeenimadii arbacadu soo galaysay oo ku beegnayd 18 may, 2010, ka dhacday wadanka Uganda, xaflad aad u balaadhan oo si heer sare ah loo soo agaasimay, laguna xusasay sanadguuradii sagaal iyo tobnaad ee ka soo wareegtay maalintii Guurtida, Sallaadiinta, Siyaasiyiinta, aqoonyahanka, haweenka iyo dhalinyarada reer Somaliland ay go’aamiyeen in xoriyadii halowday ee lixdankii tubta qaloocan qaaday dib loo soo celiyo.
Xafladan oo ka dhacday Hotelka caalamiga ah ee Hotel International ee ku yaala xaafalada Muyenga, waxa ka soo qayb galay marti sharaf aad u fara badan oo gaadhayay 600 oo qof, oo uu u horeeyo wakiilka Somaliland ee Uganda Mr Abdillahi Guhaad, iyo Yuusuf Maxamed Cariish oo ahaan jiray guddoomiyahii hore commission Diwaangalinta qaranka ee gobolka togdheer iyo Ahmed Muse oo ah muwaadin reer Somaliland ah oo ganacsi ku leh magaalada Kampala iyo dibloomaasiyiin ka socota safaarada ku yaala Uganda qaarkood, waxa kale oo isna goob jog ahaa madaxa la dagaalanka argagixisada wadanka Uganda
Waxa isaguna madasha ka hadlay guddoomiyaha ardayda reer Somaliland ee wax ka barata wadanka UgandaMr Siciid Maxamed X Cismaan oo Hambalyo u diray dhamaan shacbi waynaha reer Somaliland meel kasta oo ay joogaan, guddoomiyuhu waxa uu u mahadceliyay ardaydii u tafaxaydatay qabanqaabada xaflada iyo dhamaan cid kasta oo qayb ka ahayd. Guddoomiyaha ardaydu waxa uu hadalka ku soo dhaweeyay wakiilka Somaliland ee Uganda Mr Abdillahi Guhaad. Mudane cabdillahi waxa uu ku dheeraaday xidhiidhka wanaagsan ee ka dhaxeeya wadamada Uganda iyo Somaliland, isaga oo ku bogaadiyay dhamaan jaaliyada Somaliland ee wadanka Uganda inay ka qayb qaataan ilaalinta nabadgalyada iyo horumarka wadanka Uganda, maadama Uganda ay soo dhawayn badan u fidiso dadka somalida ah guud ahaan gaar ahaan Somaliland. Wakiilku wuxuu u mahadceliyay ardayda reer Somaliland ee wax kabarta jamacadaha wadanka Uganda, oo uu ku amaanay sida fiican ee ay xaflada u soo agaasimeen.
Xafladan oo aad u balaadhnayd waxa lagu soo bandhigay Film Documentary ah oo ka sheekaynaya taariikhda Somaliland min bilow ilaa dhamaad, kaas oo dadwaynihii xaflada ka soo qayb galay ay si wacan ula dhaceen, waxa kale oo xaflada lagu soo bandhigay muuqaalo muujinaya magaalooyinka waawayn ee Somaliland iyo horumarka ay ku talaabsatay Somaliland dhinacyada waxbarashada , xidhiidhka diblomasiyadeed ee Somaliland la leedahay wadamada dibadda iyo waliba dhinaca ganacsiga iyo amaanka, taas oo dadwaynihii goobta joogay ku beertay shucuur waddaninimo iyo qiiro balaadhan. Ugu dambayn waxay ardaydu ay soo bandhigeen riwaayad ka turjumaysa qaranimada iyo madaxbanaanida Somaliland oo martidii xaflada ka soo qayb gashay aad u soo jiidatay. Waxa kale iyaguna halkaasi ka hadalay Maxamed Muuse, Jamaal iyo Cabdrisaq Karaani oo dhamaantod kamid ah Ardayda reer Somaliland ee waxa ka barata Uganada
Xafladan waxa soo qaban qabiyay koox arday ah oo mudo dheer ku jiray suurta galinta xaflada Gudidaas oo kala ah;-
