Abwaan Mubarak qoorubaxay oo ahaa abwaankii sameeyay heesta Kulmiye, Oo Ka Baxay Kulmiye
Written by Mubarak qoorubaxay
May 30, 2010 at 09:40 AM
Waxaan si rasmi ah u cadaynayaa inaan ka baxay xisbigii KULMIYE, xubinimo iyo taageere ahaan intaba , aniga oo horena isaga casilay xilkii aan ka hadayey ee ahaa Afhayeenkii Laanta Sweden Sanadkii 2009 ee aynu ka soo gudubnay.
Waxaan leeyahay Siilaanyo waa mujaahid u qalma hogaaminta wadanka waxase ridaya kursigana ka hor taagan inta ugu dhow dhow iyo macaamilka ama hab dhaqanka Raaskiisa hoose ee ugu dhow oo keenaya inay umadu ka fogaato ama codkooda ay siiyaan cid kale.
Mana jirto wado aanaan u marin si loo saxo waxa khaldan xaalkuna wuxuu gaadhay ma i tidhi waa Kayd Rag.
Sidaa aawadeed waxaan cadaynayaa inaanu maanta laga bilaabo aniga iyo taageerayaal badan oo kale oo aan afkooda ku hadlayaaba si rasmi ah uga baxayno xisbiga KULMIYE.
Waxaanu cadayn doonaa xisbiga aanu taladayada iyo taageeradayadaba isugu geyn doono markaan dalka imaado dhowaan hadii alle idmo anigoo rajaynaya inuu noqon doono ka guulaysan doona .
waxaanan ugu baaqayaa dadka aanu isku fikrada iyo afkaarta nahay ee talada wadaagno in sidii dhaqanka iyo caadada inoo ahayd aynu isku soo gaadhi doono meesha taladeenu iyo codkeenuba noqon doonto.
Ma jecli inaanu u dhaqano sida raga xisbiga ay ka tegayaan sii aflagaadeeya waxaanse leeyahay "nin faras dabadii ka degey meel uga toolmoon buu waayey". Hadiise loo baahdo sababaha kelifay ka bixitaankan waxaan ku faahfaahin doonaa waqtigeeda.
Ilaahay xaqa ha ina tuso
Afhayeenkii hore ee laanta KULMIYE ee Sweden
Mubarak qoorubaxay
http://www.qarannews.com/index.php?opti ... &Itemid=62