Page 1 of 1

Reerka reerka waxa loo saar, Dad bay meeli buktaa

Posted: Sat Jun 12, 2010 12:37 pm
by Bohol iyo karaman
Siday uu Dhacday in Sadex Masuul oo Isko Hayb ahi Qandaraas Ku Qaatan Ololaha Xisbiga UDUB ee Magaalada BURCO
Burco (Buraoonline.com) 12.06.10 Xisbiga Siyaasiga UDUB isla markaana talada dalka haya ayaa inta badan siyaasiyiintiisa UDUB, masuulyiintiisa dawladda iyo taageerayaashiisuba ku ololeeyaan inay yihiin xisbi beelaha reer Somaliland u siman yihiin,
qabyaaladda ka fog, isla markaana cid kastaa ka hadli karto ololihiisa siyaasadeed ee uu kaga qayabgeleyo doorashooyinka loo ballansan yahay 26ka Juun.

Waxa kale oo aan maqalnaa masuulyiinta xisbigaasi dawladda oo inta badan ku andacooda in xisbiyada mucaaradku yihiin kuwa beeleed, cid kalena aanay shaqo ku lahayn sidaa darteedna UDUB kusoo biiraan shacabka Somaliland.

Haddaba markaad eegto muuqaalka siyaasadeed ee xisbigaasi beryahan dambe u muuqda mid sii daadegeya iskana casileen ku dhawaad lixdaameeyo ka mid ah siyaasiyiintisa iyo hawlwadeenada gobolada iyo degmooyinka ayaa dhinaca waxa soo baxaya habdhaqanka xisbigaasi ku muujinayo inuu yahay mid ay iska leeyihiin shakhsiyaad beel sheeganaya iyo siyaasiyiin ama masuuliyiin dawladeed oo aad mooddo inay guddoomiyaha xisbigaasi, ahna madaxweynaha Somaliland Daahir Rayaale,ka xigaan masuulyiinta beelaha kale ee dawladda ku jira sidaa darteedna ad moodda inay xisbigaba afduub ku haystaan.

Siyaasiyiintan ka tirsan xukuyuymadda Rayaale, isla markaana ah masuulyiinta laamaha dawladda ee looga baahnaa inay xafiisyada ay masuulka uga yihiin dawladda wax uga qabtaan ayaa sidoo kale ah kuwa aad mooddo in xisbiga Udub ka fogeynayaan shacbiga intiisa kale isla markaana lagu xanto ama lagu caddeeyo inay yihiin wasiirada ugu musuqmaasuqa badan ee ku jira xukuumadda Rayaale .

Raggan intan badan reer Somaliland hadalhayantoodu ku badatay ila markaana u eg kuwa dartood looga fogaaday xukuumadda Rayaale ayaa labadii maalmood ee u dambaysab qandaraas dhinaca siyaasadda ah ku haystay magaalo madaxda G/Togdheer ee Burco, iyagoo halkaa u jooga sidii ay taageero ugu raadin lahaayeen xisbiga UDUB . masuuliyiintan oo isugu jira kuwa xukuumadda ka tirsan iyo kuwa xisbiga xukuumadda ee UDUB ugu sarreeya ayaa waxay kala yihiin wasiirka hawlaha Guud Siciid Sulub, wasiirka duulista Cali waran Cadde , Xogahaya Guud ee xisbiga udub Jaamac Yaasiin ayaa dhammaantood kasoo jeeda beel keliya oo ka mid ah beelaha Somaliland, kuwaasoo dadweynaha reer Burco u sheegayey inay iskaga leexdaan xisbiyada mucaaradka ah ee qabyaaladda ku salaysan balse aad mooddo inaysan warba iska hayn saddexdoodan masuul ee u hadlaya xukuumadda iyo xisbiga UDUB inay isku hayb yihiin xisbina meteleyaan.

Waxad is odhan kartaa in nimankaasi siyaasiyiinta ahi u egyihiin kuwa aaminsan inaysan Burco ku noolayn beel aan ahayn beesha ay kasoo jeedaan isla markaana cid kale ka hadli karin ama la hadli karin dadweynaha reer Burco oo aan iyaga ahayn. Sulub , Cali warancadde iyo Jaamac Yaasiin keligood dadweynaha reer Burco ma kusoo dabbaali karayaan dadweynaha reer Burco ee kasii yaacaya xisbigooda mise way sii didinayaan?.

Dhinaca siyaasiyiinta beeshaasi kaga jirta xukuumadda Rayaale ayaad mooddaa inay xumaynayaan xidhiidhka beelaha walaalaha ee wada deggen G/Togdheer kuwaasoo inta badan aad mooddo inay dhinaca siyaasadda uga faa’iideysanayaan kala qaybsanaanta reer Burco ee sii yaraanaysa is beelahaasi walaalaha ahi iskugu dhacaanna had iyo jeer khudbadahooda ku sheega hadallo xambaarsan naxli iyo cadaawad, hase yeeshee beelaha ay kasoo jeedaan masuuliyiintaasi aanay dheg jalaq u siinin hadaladooda, kana doorbideen nabadgelyada iyo walaalinimada ay kula noolyihiin dadweynaha reer Burco.

Inkastoo masuul kale oo afraad ka maqnaa khudbadaha siyaasadda ee saddexdaa nin keligood ku qandaraasteen ololaha UDUB ee Burco ayaa laga yaabaa in masuulkaa kale oo ah wasiirka maaliyadda Cawil Cali Ducaale uu Burco dhina kale kaga jiro isagoo u ololaynaya xisbiga UDUB, ayaa sidoo kale laga yaabaa inuu soo afreeyo saddexdaa masuul ee iyagu dadweynaha magaaladaasi ama gobolkaasi iskaga dhigaya inay ka socdaan beesha ugu awoodda weyn ee kursiga ku haysa madaxweyne Rayaale, xisbiga Kulmiyena ka celinayaan guul kastoo kaabiga usoo saarta 26ka Juun hase yeeshee waxaan muran ku jirin in sida ay beel ahaan ugu wada socdaan ,una doonayaan inay beel ahaan kusoo jiitaan dadweynaha Somaliland doorashooyinka 26ka Juun ay aakhirataanka cidlo dhigi doonto xukuumadda Rayaale iyo taageerayaasha xisbiga UDUB sida xisbiyada mucaaradka ahna aanay si isku dhaf ah ugu ololayn xukuumaddooda iyo xisbigoodaba.

Si kastaba ha ahaatee ololaha Sulub, Warancadde iyo Jaamac Yaasiin laguna daro Cawil oo daaha dabadiisa ka hagaya ayaa la odhan karaa inuu yahay olole khaldan oo leh weji khaldan , sidaa darteedna ka hor imanaya siyaasadda xisbiga UDUB dadweynaha ugu sheego ololihiisa , tanina muujinaysao beenta, barnaamij la’aanta iyo belaayada xisbiga UDUB doorkan ku doonayo inuu guul kaga gaadho doorashooyinka soo socda balse mugdi badani hadheeyey doorkan.

Buraoonline.com