Waddanka Haddaan Laga Qaban Abdirahman Tuur
Waxaynu ka joognaa doorashii ugu dambeeysay ee madaxtooyada muddo dheer, taas oo aan maanta jeclaysatay inaan idin soo xusuusiyo odhaah uu musharrax ka mid ah musharaxyadii uu ku yidhi Guddigii Doorashada ee waqtigaa maalintii doorashada cidda heshay ay ku dhawaaqeen. Arrintan oo ay ka markhaati furayaaan guddigii joogeay.
Waxaa wartigu ahaa mid aad u adag oo saddexda xisbi iyo guddiga doorashaduba ay aad u daalanayeen, samirkuna uu aha mid sii liidanayey saacadba saacadda ka dambeeysay. Waxaba hadalka idinku daalin mayo akhristayaal ee waxaa la soo gaadhay waqtigii ay Guddigu la kulmayeen madaxdii xisbiyada.
Waxay ahay waqti yar ka hor intaan doorashada natiijadeeda dadweynaha aan lagu shaacin. Waxaa madasha fadhiya dhammaan guddiga doorashada, waxaana soo geliya markiisi oo lagaadhay Madaxii Xisbiga Kulmiye, Mudane Ahmed Siilaanyo. Markuu soo fadhiistay ayaa loo sheegay in intaas oo cod kadib markii waqti dheer la kala hufayey, oo la kala guray codadkii in ay guushii heshay Xisbigii Udub.
Waxaa Mujaahid Siilaanyo isla markiiba uu eegay marwo ku jirtay guddiga doorashada isagoo ay cadho aan la soo koobi Karin ay wajigiisu ka muuqato. Waxaa isla markaa uu raaciyey oo yidhi “waddankan haddan laga qaban Abdirahman Tuur waa arki doontaan meeshuu ku dambeeyo”. Waa lawada naxay, oo waxaa laga naxay sida cad ee qaawan ee uu u abaarray qofkii keliya ee dumar ee madasha fadhiday. Cidna se uma jawaabin oo waxaa ay u arkeen nin aanay maantu guushii raacin oo ciil hadlaya.
Waxaa se la yaab ku noqotay guddigii doorashada colaadda weyn ee siyaasigan weyn Mudane Siilanyo uu sida badheedhka ah afkiisa uga siidaayey iyo beegsiga gaarka ah ee uu ula beegsaday xubintii gaarka ahayd ee fadhiday.
Haddaba, maanta waa doorasho kale oo ay u eg tahay in mudane Siilaanyo uu gaadhayo Himiladiisi uu ku taamayey.
Waxaase ka maqan goobta Alla ha u naxariistee Mujaahid Abdirahman Tuur, oo sida uu qirtay Siilanyo u arkaayey nin iska hortaagayey inuu Kursiga markiisa ku fadhiisto, wallow aanu innagu markhaati gaa galayn. Bal aynu eegno maantana halkay la marto Mudane Siilaanyo.
