Tuesday, 10 August 2010
Madaxweyanah dalka Yeman Cali Cabdalla Saalax ayaa bilaabay in uu iska joojiyo cunista qaadka ka dib sanado badan oo uu caan ku noqday marqaanka .
Madaxweynaha ayaa go`aan ku gaaray in qaadka iska joojiyo isla markaana yareeyo tagista goobaha lagu marqaamo oo ay isugu yimaadaan mas`uuliyiinta dowlada .
Mr.Saalax oo ay marqanka ama cunista qaadka ay ugu bixi jirtay goobaha lagu qayilo ee bulshada aha halkaasi oo ay u siman yihiin madax iyo shacabka ayaa haatan macsalameynaya marqaanka.
Ilo wareedyo ku dhaw Mr.Saalax ayaa sheegay in madaxweynaha uu tagayo goobaha lagu marqaamo marka ay danta qasabto laakiin lama sheegin dantaasi waxa ay tahay .
Madaxweyanaha ayaa inta uu marqaamayo ka shaqeynayay arimaha dowlada , waxa uuna haatan sheegay goobaha la isugu yimado ee marqanka uu tagayo marka danta dowlada ay timaado laakiin xitaa uusan laama-laameysaneyn (laan qaad isku mashquulineyn).
Marar badan ayuu dadka dalkiisa ugu baaqay in ay iska yareeyaan ama joojiyaan cunista qaadka laakiin tani waa markii ugu horeysay oo isagu go`aan ku gaaro si loogu daydo.
Qayilaada qaadka ayaa Yeman ka bilaabata ka dib xiliga qadada , waxaana guud ahaan la xeraa xafiisyada dowlada , dadka suuqayada ayay ka yaraadaan , iyadoo qayilaada ay soconeyso ilaa qoraxda ka dhacdo halka qaarkoodna uu waga u baryo.
Warbixinadu waxa ay sheegaan in madaxweynaha yamen uu kiilooyin qaad ah cuni jiray , inta marqaanka uu ku jirana uu holwaha dowlada waday .
Ma Jacleyn Cali Cabdalla Saalx xiliga marqanka sheeko badan waxa kaliya ee shaqeynayay waa gowsihiisa iyo gacanta .
Lamana saadalin karo in madaxweynaha uu go`aankaasi si rasmi ah u hir gilin karo maadaama xitaa uusan go`aan ka gaarin in goobaha lagu qayilo ka joogsado.
