Sida aan la wada socono waxaa in dhawaanaba la sugayay is badal xaga ciidamada iyo ilaha dhaqaalaha ay ka soo gasho dawladu, Sida bangiga dhexe iyo Maareeyaha dekeda Berbera.hadaba maanta ayaa xilkii waxaa laga qaaday taliyihii guud ee taliska Boliska somaliland, Kornayl Saqandhi dubad, oo ahaa dawaladii Rayaale kii ugu cimri dheeraa, uguna tayada xumaa xaga maamulka, oo waxaa maalmihii ugu danbeeyay Booliska ugu akhlaaqda xun uu isagu ahaa shakhsigii ka danbeeyay qoristooda, magaalooyiink waawayna lagu kaftami jiray kuwani waa xertii saqandhi.
waxaa hadaba maanta jagadaa muhiimka ah loo magacaabay, Kornayl Cilmi kabaal, oo ahaa dawladii Cigaal, taliska Boliska Somaliland shakhsigii dhidibada u aasay , booliskan aan maanta aan ku faano, waxa uuna ahaa ,shakhsi ka daacada wixii uu qabanayo ee uu dalkiisa iyo dadkiisaba u qabanayo, mana ahayn shakhsi ay ku dheertay qabyaalada iyo qolo qolaysi , Umada somaliland waxa ay u ahayd mid u dhexe, min laasacaanood ilaa iyo lowyacado,waxaana laga filayaa in uu wax badan ka badalo, nidaamkii hore ee Saqandhi uu ku galgashay ee xaga booliska.
Kornayl Cilmi Kabaal ayaa waxa uu deegaan ahaan ka soo jeedaa, Gobolka Awdal, waxa uuna bulshada reer Awdal/Salal ka muddan yahay qadarin iyo xushmayn, waana shakhsi ay ku diirsadeen bulshadan reer Awdal/Salal magacaabistiisa, maxaa yeelay waa shakhsi ka soo baxaya wixii loo igmaday, oo daacadnimo iyo karti ay ku dheehan tahay, waxaana la odhan karaa, waa shakhsi u qalm jagadan maanta uu u dhiibay , Madaxwayne Siiilaanyo.
Maxaa lagu xasuusan karaa ninkan Saqandhi ee ka tagaya jagadan,waxaanan la garanayn ee Reer Borama ay ku xasuustaan oo jirta in ay iska yar tahay,marka laga reebo foolxumadii wadada ka dhacday ee dadka lagu xasuuqay ,madaniyiinta ka soo jeeday Borama, oo uu iyaga oo nool nool oo la haysto , iska soo dhaafay, una soo boqoolay waqtigaa magaalada Borama, isaga oo caruur uu adeer u ahaa , oo jaamacada Camuud xiligaa dhiganayay soo doontay, Shuhadadiin sidaa lagu laayay, waxa ay ahayd taariikh ayna iloobi doonin reer Awdal, oo ay u hayaan ninkan odayga ah ee jagada banaynaya, waxa ayna ku noqotay shaanbad aan waligii inta uu nool yahay aan ka go'ayn.
it would have been diffrent story if you lot got 2 ministers!