Taliyihii Jeelka Laascaanood Oo Ay Dablay Hubaysani Caawa Toogasho Ku Dileen
Hargeysa (HWN) Alle ha u naxariistii taliyihii jeelka laascaanood Marxuum Cabdi Ciise ayaa goor dhaweyd dil toogasho ah lagu dilay.
Marxuum ayaa la sheegay in dilkiisa ay ka danbeeyeen dad aan haybtooda la aqoonsan kuwaas oo ka dib dilka baxsaday, isla markaana ay ciidamada boolisku ku raad joogaan.
Ma jiro war rasmi ah oo ka soo baxay ciidamada boolis kaas oo ku saabsan cida ka danbaysay dilka taliyaha, balse warar ay shabakada caalamiga ah ee Hadhwanaagnews ka helayso magaalada Laascaanood ayaa sheegaya in ay ciidamadu heegan sare la geliyay isla markaana ay ku raad joogaan cidii ka danbaysay dilka taliyaha jeelka.
Alle ha u naxariistee Taliyaha Jeelka Magaalada Laascaanood ayaa noqonaya kii ugu horeeyay ee tan iyo intii ay xukuumada cusub xilka la wareegtay dalka ka dhaca.
