Mid kamida siyaasiyiinta Maamulka Somaliland ayaa si kulul uga hadlay dagaalada ka socda magaalada Muqdisho iyo dalabka uu madaxweyne shariif dalbaday Ciidamo shisheeye oo dheeri ah.
Gudoomiyaha Xisbiga UCID Feysal Cali Waraabe oo lahadlay qaar katirsan warbaahinta magaalada Muqdisho ayaa ku digtay dowlada KMG ah iyo AMISOM oo uu sheegay in ay ku fashilmeen Muhiimadii Muqdisho loo geeyay.
“waan ka xunahay dhibaatada weli ka taagan Koonfurta Soomaaliya gaar ahaan Muqdisho dhibaatadaas waxaa mas’uul ka ah shariif Sheekh Axmed iyo Ciidanka Afrikaanka ah ee shacabka laaya”ayuu yiri Feysal Cali Waraabe.
Feysal Cali Waraabe wuxuu si gaar ah u eedeeyay madaxweyne shariif oo uu sheegay in uu Khiyaameeyay shacabka “waar Ninka shariifka ah waa khaa’in shacabdii Xabashi African ah ku dhameeyay, inmise ayay ciidanka shariif ilaaliya ku dilaan suuqyada Muqdisho waxaan ku baaqayaa in Maxkamad lasoo taago xukuumadda shariif Hogaamiyo”
ayuu hadalkiisa sii raaciyay Feysal.Siyaasigan kasoo jeedo Maamulka Somaliland ayaa Shacabka Muqdisho ugu baaqay in ay aayahooda ka tashtaan islamarkaana aysan marnaba aqbalin Dowlad dal shisheeye lagusoo dhisay.
Wuxuu sheegay in dhibkii Koonfurta kajiray uu isugusoo biya shubtay magaalada Muqdisho islamarkaana ay gobalada kale ee Koonfurta ay yihiin kuwa Nabad ah, eedayntan ka timid Feysal Cali waraabe ayaa imaanaysa xilli Dowladda KMG ah ay Beesha caalamka u qayla dhaansatay kadib markii ay Mucaaradku Villa Somaliya kulaaleen xaalkuna uu xumaaday.
