Abwaan Muxumed Soofe [Kaneeco] Oo Maanta Si Heer Qaran Ah Loogu Aasay Magaalada Hargeysa + SAWIRO
Hargeysa (Oodweynenews)- Alle ha u naxariistee Abwaan Muxumed Soofe Xaaji Ismaaciil [Kaneeco] oo ahaa hogaankii wacyi-gelinta ee Booliska Somaliland, ayaa maant si heer Qaran ah loogu aasay xabaalaha Naasa-hablood ee magaalada Hargysa, ka dib markii uu xalay fiidkii ku geeriyooday isla Hargeysa.
Aaska Awbaanka ayaa waxa ka qayb-galay masuuliyiin sar sare oo ka tirsan Golayaasha Qaranka Somaliland, hogaanka guud ee ciidanka Booliska JSL, Gudoomiyaha xisbiga KULMIYE Muj. Muuse Biixi Cabdi, masuuliyiin ka socotay xisbiyada UCID iyo UDUB, Abwaano, culimo aw diin, mujaahidiin iyo dadweyne aad u tiro badan.
Alle ha u naxariistee qaar ka mid ah Masuuliyiinta iyo Abwaanadii ay soo wada barbaareen Abwaanka oo xabaasha dusheeda kala hadlay warbaahinta, ayaa marka hore waxa ay tacsi u direen guud ahaan qaranka Somaliland gaar ahaan Booliska, eheladii iyo qaarabadii uu ka geeriyooday Abwaan Kaneeco, iyada oo marxuumka ilaahay uga baryey inuu Jannadii fardawda ka waraabiyo.
Masuuliyiintii iyo Abwaanadii halkaa ka hadashay oo ay mid ahaayeen Gudoomiyaha xisbiga KULMIYE Muj. Muuse Cabdi, Awbaan Xasan Xaaji Cabdilaahi [Geney], Awbaan Maxamed Aadan Dacar, Taliyaha Ciidanka Police-ka Somaliland Cilmi Rooble Furre (Kabaal) iyo Mujaahidiin kale oo ay si weyn uga soo wada-qayb-qaateen halgankii cuslaa ee Jabahadii SNM dib ugu xoraysay Somaliland, iyaga oo dhamaantood isku raacay in Awaanku ahaa nin aad bulshaawi ahaa, hawl-kar ahaa, isla markaana waxa ay tibaaxeen inuu kaalin wax-ku-ool ah ku lahaa dagaaladii dib-u-xoraynta Jamhuuriyada Somaliland.
Waxa aanu hadhaw idiin soo gudbin doonaa barnaamij ballaadhan oo ay ku duugan hadaladii kala duwanaa ee ay ka yidhaahdeen marxuum Abwana Kaneeno Masuuliyiintaas iyo Abwaanadaas ka qayb-galay aaskiisa.