Geeraarkan waxaa tiriyay nin gabayaa ahaa oo la odhan jiray Ina Xuseen Daar, waxaanu ka tiriyay xafladdii lagu boqraayay Suldaan Cabdilaahi, Ilaahay haw naxariisto dhammaantoode. Geeraarka waxa ka jawabay Cismaan gabyaaye, wuxuuna kaga jawaabay labba geeraar iyo gabay. Jawaabihii Cismaan Gabyaaye u ka bixiyay geerarkan hoos ku qoran halkan ayaad ka akhrisan kartaa .
1.Gabay Ceelka ka guura
2.Geeraar Ceelka ka guura.
3.GeeraarCeelka ka guura.
Wuxuu Ina Xuseen yidhi:
Habar Yoonista Ceegiyo
Caleen-weyn ka shishaysiyo
ku Cawdala joogiyo
Ceer-Gaab dhinaceediyo
cududii Garxagis
hadday caawa heeshiisay
boqor caadili joogo
ninna cilban maayo
Arabkii is cofaayiyo
Awalow Ceelka ka guura
Geeraarku Ma saxna mana Dhamma
Wuxuu Cismaan Geeraarkan kaga jawaabay geeraarkii uu Ina Xuseen Daar tiriyay ee magaciisu ahaa Ceelka ka guura, hakan ka akhriso geerarka, Ceelka ka guura . Gabay iyo geeraar kale uu Cismaan kaga jawaabay geeraarkana hoos ayaad ka akhrisan kartaa.
1.Gabay Ceelka ka guura .
2.Geeraar Ceelka ka guura.
Wuxuu Cismaan yidhi:
hadalkii guranaayee
goosh dhawayd maqlayseen
reer Guuled tiriyeen
geesigii ina Xaaji iyo
Gabyaaye Xasan Nuurow
adigaan gabanaynoo
galabta u marin doonee
gacalow dhegahaaga
waa inaad galisaa
ma geeraarkiyo maansaan
go'aankooda bartayoon
ma garaafiyo ceebtaan
inaan gees maro mooye
godobtooda nebcaayoo
ma kolkay ficil gaadhaan
garaatooyin dhigaa
gudbayoo iska dhaafaye
hadalkaan gar ahayn
een golo joog noqonayn
een ka garaabin duqawdu
gashina kaaga kordhaayo
ninka gaaf kala yeedhay
garaad baanu kahayn
af gaaloof iyo faaniyo
gidaar been lala joogo
gabootiyo lahaynina
waa kuwii Garxajis
gudbayoo iska dhaafaye
golahan Ceelka Hargeysa
ee noogu soo gabaydeen
haddaan geediga yeelo
gasab weyn ku qabtaan
maxaa gaajiyo oonka
geedaha loola hurdaaye?
golcasta u socotaan
maxaa goortaa hadhkii
ee guryaha loo qada doontana
gobka hoos furateen
galsho loogu ??????
suuqa loo gal waayay?
maxaa goobta shir weyn
iyo gaafka lasku arkaayo
een guntanayno xariirta
go'yaal dhiigu ka buuxoo
miskaha loogu guntaayee
ninba gooshkii u yiilay
gacmaha loogu sitataayee?
kaygu waa gal xareedoo
goosh caddaa la yidhaayoo
ninkaasaa garanaayee
waa ina Gooha Mulaaxoo
Gahydhluu ku dhashoo
gidigii sabankoo dhan
Lafaha guudka ka yiilayoo
galin maysid ilkayoo
mid galaan iyo haaf laan
kugu go'yn waxaad yaabtiyo
geeraarka u tirisaan?
ee gaaleefta u sidataan
idin gees marayaa?
gudbayoo iska dhaafaye
inyar gam'adeenoo
gu' darooray cunteenoo
guryaha qaylo masaynoo
gammaankii baxsanaa
ee intuu gaajo qadoodo
ee uu galdhoobo haraadka
kolkuu geella bidhaansho
gorgor moodi jirteen
gebladii wadanaysay
gaalku kaa calinaayay
yuu gudboonaaday dadkii
gudbayoo iska dhaafaye
xad ay doonto ha gaadhe
dharaartaan gacan qaado
sida geeshka Marykan
galinaayo "Japan" jabaan
am reero garnaylka
la guud marayo
ama guuto laxaad leh
gubatooyin akooda
intay beel ku galeen
iyadoon galbini oo
guryihii ku dhawaatay
oo gaadh dable iyo heegan
goonyaheeda socdaanoo
la soo gaadhay ?????
haddaan gawda ka yeedha
sidii Gondar cuslaan
hadaad ??? iyo Tuur iyo
Galquluul afkiisiyo
Gumburooyin dagtaan
hadaa geedaha Hawd iyo
sudaa geelo ku naaxo
Goraygii baxsanaaiyo
garoonkii Qaraduugiyo
Sugumaha garbkiisiyo
gegeadii Burco-duuray iyo
Gaaroodoo dhan furtaan
hadaan goodiga Tuuyo
dhakhso lasugu guurin
dhul gahaydh iyo ciidloo
Garanuugtiyo Siigu
abidkod galayeenoo
laga gaadhin xareed
hadaydaan ku godoomin
haddii gaanka Xayaable
nimankaa Garxajis
galbeed reer ku furaan
gobtii Muuse Subeer iyo
gudidii Sacad Muusiyo
Ismacill gudihiisiyo
reer Siciidka gudoonkiyo
gacan qaadka lahaaiyo
gaankii reer Samatar
ee Ogaadeenka gar????
ku galaayay hunaha
Afmeerkii gudbanaana
Habar Yoonis ku gooyay
wixii geesi ka bermeey
Cabdi Ciise ??????
gobtii baanan ka beermin
Geeraarku Ma saxna mana Dhamma
gabayo | Heeso | Hal abuur SearchGabayoHeesoHal AbuurHome Gabayo | Heeso | Hal Abuur | Home |
