Kulan Lagu Maamuusayey Hormadii Ugu Horeysay Ee Ka Baxda Dugsiga Hoyga Ah Ee Xaaxi Oo Lagu Qabtay Magaalada Hargeysa + Masuuliyiin Ereyo Dhaxalgal Ah Ka Jeediyey (Dhageyso + Daawo Sawiro Fara Badan).
Hargeysa(Ramaas) Jan.02, 2010 – Waxa bishii hore dabayaaqadeedii magaalada Hargeysa lagu qabtay kulan balaadhan loo sameeyey hormadii ugu horeysay ee ka soo baxda dugsiga hoyga ah ee ku yaal tuulada Xaaxi.
Hormadan oo muddo laba sanno iyo badh ah loo waday waxbarasho habeen iyo maalin ah, waxa markoodii hore laga soo uruuriyey tuulooyinka ku yaalla degaanada Miyiga ah ee aanay gaadhin waxbarashada asaasiga ahi. Waxaana mid waliba dib ugu noqon doonaa degaankii uu ka yimi markiisii hore, halkaas oo ay ka noqon doonaan macalimiin joogta ah.
Dugsigan hoyga ah ee Xaaxi waxa gacanta ku haya oo maamulayey illaa asaaskiisii ururka SUNBUL, oo ah urur bulsho ay hogaankiisa hayaan waxgarad iyo ganacsato ka soo jeeda degaanka, kuwaas oo ujeeddadooda ugu weyni tahay waxbarida iyo tarbiyeynta dhalinta ka baxsan degaanada aanay gaadhin waxbarashasa asaasiga ah ee ay maamusho dawladu.
Munaasibada oo la isugu keenay Arday kor u dhafaysay dhawr iyo labaatan, waxa hadalo isugu jira waano iyo gubaabo ka jeediyey, Cabdiraxmaan Cismaan Aadan, Sheekh Yuusuf Aadan, Prof. Cabdisalaan Yaasiin, Xasan Qorane oo dhamaantood ah raggii udub dhexaadka u ahaa suurtagelinta iyo ka midho dhalinta mashruucan waxbarasho. Waxa kale oo iyana halkan ka dhageysan doontaan wareysiyo aanu la yeelanay qaar ka mid dhawr iyo labaatanka arday ee dhameystay waxbarashada.
Barnaamijka oo aad u xiiso badani waa kan ee dhageysi haboon:
http://www.ramaasnews.com/news.php?readmore=5419