Madaxweynaha Qaranka Jamhuuriyada Somaliland Md Axmed Silaanyo oo Saaka Lagu Soo Dhoweeyay Si aan Hore Loo Arag Magaalo Xebeedka Berbera
Berbera (Buraoonline.com) 10.01.11 Madaxweynaha Somaliland Md. Axmed Maxamed Maxamuud (Siilaanyo) ayaa saaka gaadhay magaalo xeebeedda Berbera ee xarunta Gobolka Saaxil, halkaasi oo ay uga bilaabantay booqasho uu ku soo marayo gobolada barriga Dalka.
Madaxweynaha Somaliland ayaa socdaalkiisan gobolada barri lagu tilmaamay mid la xidhiidha inuu u kuurgalo xaalada nololeed iyo bulsho ee gobolada dalka, waxa kale oo uu qiimayn ku samaynayaa biyo la’aanta iyo abaaraha kulul ee ku dhuftay gobolada dalka.
Weftiga madaxweyne Siilaanyo waxa ku soo dhaweeyay magaalada Berbera Masuuliyiinta dawlada ee gobolka Saaxil, Golaha deegaanka iyo dadweyne tiro badan waxaana loo galbiyay guriga martida ee magaalada Berbera halkaasi oo la dejiyay.
Madaxweynaha waxa la sheegay in socdaalkiisan ay ku weheliyaan Wasiiradda Cadaalada Ismaaciil Muumin Aar, Duulista hawada Maxamuud Xaashi Cabdi iyo Marwada koowaad ee Somaliland Marwo Aamina X. Maxamed Jirde.
https://eakxtg.bay.livefilestore.com/y1 ... JPG?psid=1
Dhinaca kale, waxa gobolada Togdheer iyo Sanaag ka socda u diyaar garow xoog leh oo lagu soo dhawaynayo weftiga Madaxweynaha Somaliland Md. Axmed Maxamed Maxamuud, oo socdaalkiisii u horeeyay ku maraya gobolka Saaxil tan iyo markii uu ku guulaystay doorashadii madaxtooyada ee dalka ka qabsoontay.
