Taliye Sare Caydiid Axmed Nuur
Dhahar (SPR): Xaflad si heer-sare loosoo agaasimay oo kadhacday magaalada Dhahar ayaa xadhiga looga jaray saylada hilibka/khudaarta iyo xabsi caalami ah oo dhismaheedu iska kaashadeen Hay’ada SDC iyo maamulka Somaliland.
Munaasabadani ayaa waxaa kasoo qayb galay mas’uuliyiin katirsan maamulka gobolka Sanaag, maamulka magaalada Dhahar, suxufiyiin kakala socdo Televisionka Universal T.V, Televisionka Qaranka, Idaacada Somali Public Radio iyo saraakiil ciidan oo u dhashay gobolada Sanaag, Haylaan iyo Galbeedka gobolka Bari.
Waxaa ugu horayn dhismayaashani xadhiga ka-jaray mayaarka magaalada Dhahar, mudane Cali Kilwe isagoo ku-tilmaamay dhismayaashani kuwa ay baahnayd bulshada ku-dhaqan magaalada Dhahar, wuxuuna amaan usoo jeediyey madaxa mashaariicda hay’ada SDC mudane Axmed Aa’dan Guray iyo wasaarada maaliyada oo iska kaashaday fulinta mashaariicdaan.
Waxaa iyana Microfoonka lagusoo dhaweeyey mas’uul sare ee Hay’ada SDC mudane Axmed Aa’dan Guray oo ugu horayntii u mahadnaqay shacabka kasoo qayb-galay munaasabadaan iyo wasaarada maaliyada oo qayb ka ahayd hirgalinta mashruucaan. Mudanaha ayaa sheegay in wixii hada ka danbeeya mas’uuliyada saylada hilibka iyo khudaarta ay shacabka la-wareegayaan isla markaana wuxuu soo jeediyay in laga wada shaqeeyo nadaafada kawaankan oo an kaliya lagu eegin maamulka degmada.
Waxaa isna dhankiisa halkaasi khudbad aad u dheer kasoo jeediyey taliyaha ciidamada saldhiga sadexaad ahna taliyaha ciidamada gobolka Sanaag ee S/land, Coronel Muuse Jaamac Dalaf oo mahad-naq balaaran usoo jeediyey wasaarada maaliyada, hay’ada SDC iyo waliba shacabweynaha Dhahareed uu uga mahadnaqay qaabka ay horumarka had iyo jeer usoo dhaweeyaan. Wuxuu shacabka magaalada iyo degaamada la-halmaala ugu baaqay in ay kashaqeeyaan nabad-galyada lana shaqeeyaan laamaha amniga.
Waxaa isna dhankiisa halkaasi khudbad aad u dheer kasoo jeediyey taliyaha ciidamada saldhiga sadexaad ahna taliyaha ciidamada gobolka Sanaag ee S/land, Coronel Muuse Jaamac Dalaf oo mahad-naq balaaran usoo jeediyey wasaarada maaliyada, hay’ada SDC iyo waliba shacabweynaha Dhahareed uu uga mahadnaqay qaabka ay horumarka had iyo jeer usoo dhaweeyaan. Wuxuu shacabka magaalada iyo degaamada la-halmaala ugu baaqay in ay kashaqeeyaan nabad-galyada lana shaqeeyaan laamaha amniga.
Waxaan iyana hadal kooban goobta kasoo jeediyey taliyaha booliska iyo asluubta gobolka Sanaag, Coronel Caydiid Axmed Nuur oo sheegay in la-kordhinaayo tirada ciidamada asluubta magaalada ka-hawlgasho, maa’daama magaaladu ay yeelatay xabsi caalami ah. Wuxuu kaloo sheegay in loo baahanyahay maxkamada derajada kowaad in magaalada laga hirgaliyo, sababtoo ah dadka lasoo xiro waxay xaq uleeyihiin in maxkamad hortagaan.
Waxaa sidoo kale ka-dhex muuqday xaflada saraakiil farabadan oo ay kamid yihiin taliyaha ciidamada asluubta magaalada Dhahar, gaashaanle dhexe Jamaal Cali Saciid, abaanduulaha saldhiga xerada Militariga magaalada Dhahar Coronel Baashe Cabdi Cali, coronel Yaasiin Xabeeb, Coronel C/shakuur Cali Ciise Cadde iyo saraakil kaloo sar-sare.
Ugu dambayntii waxaa dhinaca haweenka u hadashay Shukri Guray Warsame oo u mahadnaqday Hay’ada mashruuca fulisay, sheegtayna in ay ka-haween ahaan diyaar u yihiin in ay ka-shaqeeyaan nadaafada saylada lana shaqeeyaan saraakiishooda amniga.
Isu soo duub, munaasabadani ayaa xariga looga jaray xabsi ay isticmaali doonaan saldhigyada booliska xaafadaha kala-duwan ee magaalada Dhahar, iyadoo magaalada balaceedu aad u waynaaday ayna laban laabmeen shacabka kunool magaalada oo in badani kasoo haajireen koonfurta Somaaliya ay dagalo ka socdeen
after we secure dhahar, shall we take over bosaso or shall we leave these masaakiin alone 
land grapping has become a new national sport mays tidhi
