Shirkada SOMTEL Oo Xarun Cusub Ka Furtey Degmada Tog-Wajaale Iyo Laamo Qeybtii Labaad Ah Oo Laga Furey Gabiley Iyo Arabsiyo
Shirkada Isgaadhsiinta Telefoonada ee Somtel ayaa, markii u horeysay maanta ka furtey Magaalada Tog-Wajaale Xarun Cusub oo loogu tala galay Xarunta Isgaadhsiinta Shirkada Somtel ee Magaalada Tog-Wajaale.
Munaasibadii furitaanka Xarunta Shirkada Isgaadhsiinta Somtel ee Tog-Wajaale, oo si weyn loo soo agaasimay, islamarkaana lagu qabtey Huteel cusub oo dhawaan laga furey Tog-wajaale Rayo Huteel, waxa kasoo qeyb galey Maamulka Degmada Tog-Wajaale,Ganacasatada ,Culumaa,udiinka iyo marti sharaf kale.
Gudoomiyaha Degmada Tog-Wajaale Xaashi Muxumed Cabdi(Xaashi dhaga-dheere), oo halkaa ugu horeyn hadal ka jeediyay, ayaa ka waramay ahmiyada ay isgaadhsiintu u leedahay, xidhiidhka dadweynaha, isagoo si gaar ahna farta ugu fiiqay, in ay Magaalada Tog-Wajaale xudun u tahey Ganacsiga Somaliland, waxaanu xusay Gudoomiyuhu in ay tahey Tog-Wajaale marinka u weyn ee xidhiidhiya shacbi weynaha labada dale e Somaliland iyo Itoobiya, isagoo arimahaa ka hadlayana waxa hadaladiisii kamid ahaa.
“Hadaanu nahey Maamulka Degmada Tog-Wajaale waxaanu gacmo furan ku soo dhaweyneynaa Xarunta cusub, ee ay maanta Tog-Wajaale ka furaneyso Shirkada Somtel iyadoo Magaaladani ay xudun u tahey Ganacsiga Somaliland,islamarkaana ay tahey marinka xuduuda ee xidhiidhiya labada dal ee Somaliland iyo Itoobiya,waxaanan fursadan uga faa,ideysanayaa Huteelkan Xaflada lagu qabtey oo isagana dhawaan la furey Rayo Huteel dhamaantoodna Tog-Wajaale waxey u yihiin wax u soo kordhay oo ka qeyb qaadanaya dhaqdhaqaaqeeda”Ayuu yidhi Gudoomiyaha Degmada Tog-Wajaale.
Waxa kale oo uu intaa ku darey hadalkiisa Gudoomiyaha Degmada Tog-Wajaale Xaashi Muxumed in ay Maamul ahaan soo dhaweynayaan, cid kasta oo ka qeyb qaadaneysa in ay Tog-Wajaale ku soo kordhiso Ganacsigooda iyo wixii koboceeda ka qeyb qaadanaya.
Waxa kale oo isaguna halkaa ka hadlay, Gudoomiye ku xigeenka waaxda Howl-galinta Shirkada Somtel Cusmaan Axmed Cabdi oo ka waramay qorshayaashooda mustaqbal ee dhinaca isgaadhsiinta iyo waxyaabaha ay ugu tala galeen macaamiishooda ee xidhiidhka dhinaca Isgaadhsiinta ah, isagoo xusay in ay Tog-Wajaale u hayaan ahmiyad balaadhan waxaanu faafaahin ka bixiyay adeegyada cusub ee gaarka u ah Shirkadooda Somtel.
Waxa kale oo isaguna halkaa ka hadlay, Gudoomiye ku xigeenka waaxda Howl-galinta Shirkada Somtel Cusmaan Axmed Cabdi oo ka waramay qorshayaashooda mustaqbal ee dhinaca isgaadhsiinta iyo waxyaabaha ay ugu tala galeen macaamiishooda ee xidhiidhka dhinaca Isgaadhsiinta ah, isagoo xusay in ay Tog-Wajaale u hayaan ahmiyad balaadhan waxaanu faafaahin ka bixiyay adeegyada cusub ee gaarka u ah Shirkadooda Somtel.
Waxa kale oo ka mid ahaa dadkii halkaa ka hadley,mid kamid ah odoyaasha deegaanka Tog-Wajaale, oo shirkada Somtel ku dardaarey in ay door, ku yeeshaan adeega dadweyanaha khusuusan Gobolada Galbeed ,sida Goboloda kale ee dalka.
Dhinaca kale Shirkada Isgaadhsiinta Somtel, waxey Xarumihii labaad ee Shirkadaasi maanta ka jareen xadhiga Magaalooyinka Gabiley, oiyo Arabsiyo oo iyaguna ka mid ah Xarumaha ay shirkada Somtel ku leedahay Gobolka Gabiley.
Sikastaba ha ahaatee Shirkada Somtel, ayaa mudooyinkan danbe kor u qaadey, dhaqdhaqaaqeeda adeega Isgaadhsiinta ee dhinaca Macaamiisha dadweynaha,iyadoo xiligana ku soo kordhisay adeegooda adeegyo cusub oo ka qeyb qaadanaya adeegooda Isgaadhsiinta ee dhinaca dadweynaha, taas oo ay qeyb ka tahey Xarumaha cusub ee ay maanta ka fureen Gobolka Gabiley
