hope you dont mind.
Sakiin about to get booted.
Xildhibaanno sheegay in ay diyaariyeen mooshin ka dhan ah Shariif Xasan
Gedoweb Gedo on Friday, June 24 @ 07:15:56 EDT
Mudanayaal ka tirsan baarlamaanka Somalia ayaa shaaca ka qaaday in ay diyaariyeen mooshin xilka lagaga tuurayo guddoomiyaha baarlamaanka Shariif Xasan Sheekh Aadan kadib markii bay yiraahdeen uu si cad ugu tuntay sharciga u degsan dowladda KMG.
Xildhibaanadaas oo uu kamid yahay guddoomiyaha guddiga warfaafinta baarlamaanka Cawad Axmed Cashara ayaa waxaa uu tibaaxay in 165-mudane ay mooshin ka keeneen Shariif Xasan, ''Mooshinka ayaan u geynay guddoomiyaha baarlamaanka, waana naga diiday in uu qaato, si cad ayuuna uga dhega adeegay wixii aan wadnay'', sidaas waxaa yiri Cashara oo ku eedeeyey afhayeenka baarlamaanka in uu sharciga jabiyey, gaar ahaan nidaamka 4.5.
Wuxuu xusay in guddoomiyuha baarlamaanku yahay ninka caqabadda ku ah nabad ka dhalato dalka, ''Shariif Xasan ma ahan wadani wadamo aan rabin nabadda Somalia ayuu u shaqeeyaa, sidaasna xil nooguma sii heynayo'', ayuu mar kale hadalkiisa raacsaday isagoo xusay in uusan dhamaan khilaafkii madaxda sare.
Toddobaadkii hore ayey aheyd markii mudanayaal Muqdisho ka hadlay ay sidan oo kale u eedeeyeen Shariif markii laga xirtay xarunta baarlamaanka oo ay ku shiri rabeen.
Wixii ka dambeeyey heshiiskii Kampala waxaa isa soo tarayey Xildhibaanada saxaafadda ka eedeynayo guddoomiyahooda.
C/llaahi Axmed Culusow
Gedoweb, Muqdisho.
