munaasabadii furitaanka xafiiskan oo ka dhacday Hotel Rays iyo xarunta Rasmiga ee Xafiiskaas oo ku dhex taala Suuqa dhexdiisa(Daawo Sawiro)
Urur siyaasadeedka cusub ee Dalsan ayaa maanta xafiiskiisii ugu horeeyay ee uu Gobolada ka furto ka furay xarunta gobolka Awdal ee Boorama,
munaasabadii furitaanka xafiiskan oo ka dhacday Hotel Rays iyo xarunta Rasmiga ee Xafiiskaas oo ku dhex taala Suuqa dhexdiisa ayaa waxaa ka soo qayb galay wafti balaadhan oo uu hogaaminayay gudoomiyaha ururkaas Wasiirkii hore ee arimaha Gudaha Somalialnd Mudane Ismaaciil Aadam Osman iyo xubno kale oo golohiisa sarsare ku jirta. Munaasabadan oo ahayd mid aad u dheerayd hadalo badana laga soo jeediyay ayaa waxaa halkaas ka hadlay dadwayne fara badan oo iskugu jiray, dhalinyaro, abwaano, haween iyo marti sharaf kale oo fara badan kuwaas oo dhamaantood soo dhaweeyay urur siyaasadeedkan Cusub kana dhawaajiyay in uu yahay ururkii ugu horeeyay ee la furo tan iyo intii la ansixyay furashada urur siyaasadeedyada Somaliland ee xafiis ka furta magaala madaxda Awdal ee Boorama.
Ugu danbayn waxaa isna halkaas ka hadlay gudoomiyaha guud ee urur siyaasadeedkan Cusub ee DALSAN Mudane: Ismaaciil Aadam Osman waxa uuna u mahadnaqay dadwaynaha ama taageerayaashiisa soo dhaweeyay ee gacmo furan k soo dhaweeyay hoygi nabada iyo aasaaskii Somaliland.
Waxa uu sheegay in xafiisyo badan ay ka furan doonaan guud ahaan degmooyinka gobolka Awdal ayna noqon doonaan kuwo mustaqbalka ku haga umada cadaalad, horumar iyo sinaan.
Sidookale waxaa isaguna halkaasi ka hadlay gudoomiye kuxigeenka ururkaasi Sacad C/raxmaan Qaadi,Cuqaal,Dhalinyar iyo waliba siyaasiyiin kale.
