Gabiley(HWN)-Dadweynaha kunool Deegaanada Degmooyinka Alleybadey iyo Geed-Balaadh inta u dhexeysa ayaa
Gabiley(HWN)-Dadweynaha kunool Deegaanada Degmooyinka Alleybadey iyo Geed-Balaadh inta u dhexeysa ayaa, walaax xoog leh ka qaba Walxo Kimiko ah oo kasoo daadaya dhinaca Samada eek u began Deeganadaas walxahaas oo aanay ilaa iyo hada aqoonsan waxa ay yihiin balse, ay umaleynayaan Sun.
Hadaba qaar kamid dadweynaha ku dhaqan deeganadaasi oo uga waramay waxan kaga soo daadanaya Samada islamarkaana, ay umaleynayaan Sun Shabkada Wararka Hadhwanaagnews ayaa xaqiijiyay in ay cabsi iyo walaac badan kusoo kordhiyay Waxan kaga soo daatey samada isagoo is jiid jiidanaya, islamarkaana sida xabagta marka uu dhulka soo gaadho u qabsanaya Ciida iyo dhirta daaqa ah iyadoo sida ay sheegeena walaxahani kasoo daadanaya samadu ay muuqaal ahaan u muuqdaan sida Saabuunta teydha ahi marka ay xoorinyso markuu dhulka soo gaadhana sida xabagta qabsanaya carada iyo dhirta.
?Waxani waa wax aanu aad ula yaabney oo cabsi galiyay dhamaanba dadweynaha kunool Deegaanadan Alleybadey iyo Geed-Baaadh u dhexeeya, waligayo hore umaanu arag wax noocan oo kale ah oo samada kasoo daadanaya, waxaanu bilowday ilaa shantii subaxnimo, waana wax u eeg cudbi sida teydha u xoorineysa, oo marka ay dhulka soo gaadhana sida Xabagta ayuu qabsanayaa carada iyo dhirtaba waxaanad arkeysaa markaad faraha taabsiiso in waxani yahey Sun waayo qadhmuun ayuu ku reebayaa gacantii oo hore ugama meydhmayo, mana garaneyno waxa uu isku badeli doono kolay waa wax aana aheyn wax caadiya waxaanad dareemaysaa markaad kasoo ag dhawaato urtiisa oo sida baaruuda ah iyo wixii oo sii baahaya oo sida xuubka caarada o kale e eta waaweyni sameyso u qabsanaya soonaha uu ku soo dhacey, ilaa iyo hada majirto cid xaqiijineysa waxani waxa uu yahey iyo cida kusoo daadisey samadan nagu began?Sidaa waxa yidhi Daa,uud Xaahi Bile(uur-lacag), oo kamid ah dadweynaha kunool deegaankaasi oo khadka isgaadhsiinta ugu waramay Shabkada Wararka Hadhwanaagnews.
Waxa kale oo uu intaasi ku darey in ay ahaayeen Walxahan samada kaga soo daadanayaa waxaanay waligood arag oo ay ilaa hada uga cabsi qabaan Caruurta iyo Xoolahaba islamarkaana ku baahay deegaanadaas waxaanu xusey in walxahani kusoo daateen inta toga u dhow oo isdaba taala Magaala Xeyd, Waalid-xoor ilaa Siyaarada Caliyood oo iyaduna dhinaca daanta Itoobiya uga talowsan Geed-Balaadh iyo Alleybadey.
Xoghayaha D/hoose ee Degmada Alleybadey Maxamed Xuseen Dheere oo uga waramey Shabakada Wararka Hadhwanaagews ayaa xaqiijiyay in arintani jirto islamarkaana ay baxayaan Gudoomiyaha Degmada Alleybadey iyo xubno kale oo soo ogaanaya waxani waxa ay yihiin isagoo ka hadlaya waxa uu yidhi.
?Horta waxani ilaa shaley wey soo daadanayeen waxana lagu arkey in waxani yihiin walxo is jiidjiidanya oo shabaha xuubka caarada oo kale oo lakabyo lakabyo ah cirkana kasoo daadanaya islamrakaana dul fadhiisanaya geedaha iyo dhulka, waxaanu ku baahay dhul gaadhaya ilaa toban Km shaley wuxu ku koobanaa Waalid xoor ilaa dameera-boob maantana waxa uu gaadhey Tuulada laaye ilaa Magaala Farxaan, oo wuu soo kordhey kolay wixii intaa dheer Gudoomiyaha oo u mabxaey ayaa ilaa caawa warkiisa idin soo siin doona laakiin, war aan la xaqiijinin oo Xooladhaqatadu isla dhex mareyso ayaa jira kaas oo ah in kahor intii aan waxani soo daadan ay Diyaarad weyni martey eeriyadaas Subaxdii hore taas oo aanu isnidhi malaha waaba suntii la sheegayay ee Diyaaradauhu badaha ku shubi jireen?Ayuu yidhi Xoghayaha D/hoose ee Degmada Allebadey Maxamed Xuseen Dheere.
Sikastaba ha ahaatee qeylo dhaanta dadweynaha Xooladhaqatada ee deeganadaasi Degmooyinka Alleybadey iyo Geed-Balaadh ee katirsan Gobolkan Gabiley ayaa maanta is gaadhey iyadoo aanay arintan waxa Gurmad ah kasameynin wali Maamulka Gobolka Gabiley islamarkaana, aan laga warqabin in ay ogyihiin iyo inkale kadib markii aanu isku daynay in aanu wax ka weydiino haseyeeshee telefoonadooda gacantu ay dansanaayeen, Waana markii ugu horeysay ee Deeganadan lagu ark wayaabaha noocan oo kale ah.
Wariye Craxmaan-Hiiraan
Hadhwanaagnews Gabiley Office
Email:
hiiraan2007@gmail.com
