Postby KingWaslawi » Wed Nov 19, 2014 6:04 pm
Fiidyawgan waa taariikh kayd-san, maalintii dhawayd C/raxmaan cirro wuxuu booqday gurigaa lagaga dhawaaqay madax-bannaanida qaranka maanta dhisan ee Somaliland. Ka dibna cirro intuu is dhex taagay ayuu haddalo aan wax macnaa samaynayn ku hadlay, isagoo yidhi waan dayac tirayaa gurigan haddaad codka i siisaan, waxa la yaab ah cirro maba oga taariikhda gurigaa iyo sababta ilaa iminka loo dayac tiri waayay. 1991 markii shirku furmaayay Burco waxa laga waayay hal guri oo nabad qaba oo ka bad-baaday duqayntii si isla markaana lagu qabto shirka, haddaba markii hal guri la waayay aakhirkii guriga kaliya ee la helay isla markaana loogu qaatay wuxuu ahaa kaas shirka lagu qabtay, shirkii ka dib ayaa waxa go'aan lagu gaadhay in gurigani uu waligii sidaa maanta yahay ahaado oo aan la dhisin, waxna laga badali karin, ahaadana muraayad laga dheehdo taariikhda, in gurigani ahaa maalintaa guriga kaliya ee shir lagu qaban karaayay 1991 inta kale oo dhanna magaaladu ay burbur sanayd, isla markaana jiilba jiilka ka danbeeyaa taariikhda kasii dhaxlo.
Haddaba waxa wax lagu qoslo ah marka cirro aan waxba ka ogayn sababta gurigaa loo dayac tiri waayay iyo waliba wixii shirka lagu go'aamiyay isla markaana isagu 1991-kii Finland qaxoonti isaga dhiibay oo dalkaba dhoof kaga maqnaa, inuu maanta olole ka raadiyo gurigaa taariikhda dahabka ah leh.
