1. Eyda : bahalaha eydu magaaladan borama yagaa kaga badan riyaha. Weliba sidaas oo ay tahay waxa lay sheegay in dhawr jeer dawlada hoose sumaysay eyda. Waxa kaloo la xaqiiyey in dadkii bahalaha gacmahooda ku sumeeyey ay kulli wada dhinteen. Odayaal aanu marfash wada fadhinay waxay ku doodeen in ingiriisku eyda ku beeray borama, dhalinyarada reer burco ee aan jaarka la ahayna waxay qabaan aragti taas ka duwan oo waxay rumaysanyihiin in magaadan ay tahay baladul amiin, amni ay eeyhuhu ka heleen dadka siiba ciyaalka ayaa keentay in bahaluhu aad ugu tarmaan magaalada.
2. Kaadi lacaga: way adagtahay ama kamaba jirto borama inaad meel aan gurigaaga ahayn ama musqulaha lacagta ahayn aad kaadi isla taagto. Waa markii iigu horaysay intan Somaliland joogay ee aan habeen walba kaadidayda lacag ka bixiyo saacadahaan suuqa joogo. Waad yaabaysaa waxa dad kayuu ugu jira meeshaas, yagoo kara inay gidaarkay doonaan ku qabtaan, maadaama badiba luuqyada magaaladu mugdi yihiin. Maraan la kaftamay ninka meesha haysta waxan u sheegay in haduu burco ka furan lahaa musqulo aaanay cidiba usoo gasheen, oo ninkastaaba dooxa togdheer ama laagta xaarwada ku qaban lahaa for free.
3. Saqajaamada ama bajaj ta: magaaladan way ku yar yihiin baabuurta gaarka loo leeyahay. Bajaj ta ayaaba ka qaalisan baabuurta yar yar ee raaxada. Halkani waa suuqa ugu weyn ee laga gato bajaj ta dalka intiisa kale loo iibgeeyo, waxaana ku yaal geerashyo bajaj ta u gaara oo lagu cillad saaro, markaa waxa suurta gala in bajaj ta burco ku xumaata marka loo waayo cid aftaqaan cilladeeda in halkan dib loogu soo celiyo, maadamay joogaan rag waayo aragnimo dheerada u leh hagaajinta bahasha.
Waxa kaloo aad iisoo jiitay borama, magaca goob qaadka lagu gado oo ay haysato gabadh midab ahan cad ama cas, waxay goobteeda ula baxday ALLAA CADEEYEY, maraan wax ka gadanayaan kula kaftamay, indr anana ALLAA NOO DHIIBEE keen bahalka. Kkk.
.
