Gaalkacyo: Kooxaha ka soo horjeeda Dowladda oo ku soo dhowaaday magaalada Galkacyo & diyaar garow magaalada laga dareemay.
10. april 2008
Galkacyo (AllPuntland) - Kooxaha ka soo horjeeda dawladda Faderaalka ee Soomaaliya ayaa la sheegayaa in ay qabanqaabinayaan weerar ay ku qaadaan Magaalada Gaalkacyo ee xarunta gobalka Mudug.
Ciidamada amaanka ee Magaalada Gaalkacyo ayaa hiigan Culus lagaliyey habeenadii ugu danbeeyey ,waxa ayna arintan ka danbeysay markii ay soo baxeen warka sheegaya in kooxahaasi ay ku soo wadeen magaalada Gaalkacyo.
Warka ayaa sheegaya in Kooxaha ka soo horjeeda dawladda Faderaalka ee Soomaaliya ,ay soo gaareen deegaano ka tirsan gobalka Mudug markii ay todobaadkii hore qabsadeen Magaalada Cadaado ee gobalka Galguduud.
Hubka waa weyn ayaa mararka qaarkood Saaka & Xaleyba Magaalada Gaalkacyo ka dhacayay ,mana aheyn mid ay cid isku rideysay wuxuu ahaa mid ay tijaabsanayeen Ciidamada Iskaashada amaanka Magaaladaasi.
Masuuliyiinta gobalka ayaa sheegay in ay soo afjarayaan Kooxahaasi hadii ay isku dayaan in ay soo qaadaan weeraro.
Dhinaca Koonfurta ayaa heegan la geliyay ciidamdooda, Waxa ayna sidoo kale xireen wadooyinka ka leexda Wadada Aada gobalada Koonfureed ee Soomaaliya, si aysan kooxahaasi geesaha u adaan.
Abaabulka kooxaha ka soo horjeeda Dowladda waxaa uu maalmihii la soo dhaafay si xawli ah uga soconayay Gobalka galgaduud oo ay inta badan Saldhigyo Milateri ku leeyihiin ,waxaana jira ciidamada ka tirsan ciidamada taageerada Milateri Siinaya dawladda Soomaaliya ee Itoobiya oo ku soo dhawaaday Xaduuda ay wadaagaan gobalada Mudug & Galguduud.
Cabdicasiis Maxamed
AllPuntland