Wasiirka Kaluumaysiga Puntland Oo Dhaleeceeyey Shirka Nairobi.
Garoowe(Jidbaale.com):-Wasiirka Kaluumaysiga Puntland Maxmed Faarax Aadan Faruur ayaa ganafka ku dhuftay go,aamada ka soo baxay shirka Nairobi , warkan ayuu sheegay mar uu maanta u waramayey Idaacadda BBCda qaybta Afsoomaaliga.
Faruur ayaa sheegay in ay shirkaas xukuumada Puntland iyo shacabkuba ogolayn waxa ka soo baxay , isla markaana ay san goobtaas shirku ka dhacay joogin dhamaan odayaashii taladu ka go,aysay , ayna halkaasi isugu tageen sadex Garaad iyo siyaasiyiin wax kale u jeeda, wuxuuna intaas ku daray in Garaadada dalka joogaa ka cadhaysan yihiin arrintaasi.
Waxa kale oo uu sheegay wasiirka kaluumaysiga Puntland in maamulkiisu diyaar u yahay gobollada SSC ee maqan in ay wax ka qabtaan hawsheediin aay ku talo jiraan, loona baahnayn in la dhabar jabiyo, wuxuuna maamulka Hargeysa ugu baaqay in ay ka gurtaan malayshiyadooda magaalada Laascaanood.
Issimada iyo siyaasiyiinta Hogaanka kaga dhawaaqay magaalada Nairobi ayuu ugu baaqay in ay miiska wada hadalka soo fadhistaan si looga wada xaajoodo wixii ay tabanayaan, maadaama shacabka ayuu yidhi SSC wax ka dhisteen dawlada goboleedka Puntland, wuxuuna ku tilmaamay in ay shirka abaabuleen siyaasiyiin wax kale raadinaya.
Tan iyo markii Hogaanka Badbaadada iyo mideynta lagaga dhawaaqay magaalada Nairobi waxaa soo baxayey go,aamo ay labada maamul ee Hargeysa iyo Garoowe kaga soo horjeedaan hogaankaasi, madaxweyne ku xigeenka Puntland C/samad Cali Shire ayaa ka horyimi isaguna go,aanka ka soo baxay Nairobi, maamulka Hargeysana wuxuuba u soo diray Rag ka hortaga fulinta hogaankaasi.
Halkan Ka Dhagasyo Waraysiga Wasiirka.
http://www.bbc.co.uk/mediaselector/chec ... m=1&nbwm=1
Jidbaale.com
jidbaale.com@gmail.com This e-mail address is being protected from spambots. You need JavaScript enabled to view it
http://www.jidbaale.com/index.php?optio ... soomaaliya
