Madaxweynihii hore ee Puntland Generaal Cadde Muuse Iyo Soo Laabashadiisa
Madaxweynihii hore ee dowlada Puntland Maxamuud Muuse Xirsi Jeneraal Cade Muuse Ayaa waxa uu dib ugu soo laabtay deegaamada Puntland gaar ahaan magaalada Boosaaso Isagoo bilooyina wadanka dibadiisa ku maqnaa.
Jeneraal Cade Muuse oo ay ku soo dhoweeyeen garoonka Bender Qaasim ee magaaladan Boosaaso dad weyne aad u fara badan oo lulayay boorar uu ku sawirnaa Cade Muuse Kuna qornaayeen halku dhigyo ay ka mid ahaayeen Halyaygii Nabada Puntlan Iyo Aabihii Horumarka Puntland ayaa dadweynahaasi waxaa horkacayay Isimo Nabadoono Iyo waxgarad ka soo kala jeeda gobolada puntland kuwaasoo ay weheliyeen mas,uuliyiin Ka tirsan maamulka iyo maamulkii hore ee Generaal Cadde.
Cadde Muuse ayaa waxaa uu saxaafada hadal kooban ku siiyay qaybta dhismaha ee Terminaalka garoonka Boosaaso oo ahayd horumar ay ku faani karaan shacabka Puntland Gaar ahaana u galay buugga Xasuusta Waxqabadka Shacabka Jeneraal Cadde ayaa Waxaa uu sheegay in uu ku faraxsan yahay imaatinkiisa dalka iyo soo dhowaynta loo Sameeyey.
Sidoo kale Generaal Cadde waxa uu sheegay in uu la socdo xaalada dalka ayna si Wanaagsan ay isugu fiican yihiin dhamaan mas,uuliyiinta xiligan maamulka Puntland Majaraha u haysa Uuna ka rajeynayo in ay sii ambaqaadi doonaan talaabooyinkii Horumarineed ee uu Qaaday maamulkii Cadde iyo in ay ku dadaaalaan maamulka haatan Jira nabada iyo Horumarka Arimaha Bulshada.
Dhanka kale waxaa uu tibaaxay in uu kulamo la qaadan doono mas,uuliyiinta Puntland Iyo qaar ka mid ah Isimada iyo waxgaradka oo uu sheegay in uu lasoo qaadi doono sidii Si wadajir looga qayb qaadan lahaa horumarka iyo nabada Puntland oo uu ku nisbeeyay Hooyadii Nabada Soomaaliya .
Gaar ahaan waxaa uu Cadde Muuse xusay beelihii dhowaan ay dirirtu ku dhexmartay Deegaanka Igdhays oo ka tirsan degmada Ufayn ee gobolka bari oo uu sheegay in Beelahaas ay yihiin walaaalo dabka kala qaata ood wadaag iyo oon wadaagna ah oo Loo Baahan yahay in si wadajir looga qayb qaato.
Ugu danbayntii Genaraal Cadde Muuse ayaa maamulkiisa iyo isaga lagu xasuustaa Afartii sano ee uu Puntalnd maamulayay waxqabadkii arimaha bulshada Gaar ahaan Isbitaalo, MCH-yo badan, Dugsiyo waxbarasho, Ceelal iyo Gacan u fidintii Dadka ka soo Jeeda deegaamadan ee ay la derseen abaaraha iyo biyo la,aanta iyo waliba dadkii ka soo Barakacay dagaalada Koonfurta iyo Bartamaha Soomaaliya tan kale oo lagu xasuusto Waxa ay tahay garoonka Boosaaso oo ay gashay dhaqaalo badan dhismaha terminaalka Oo kaliya ay ka dhiman tahay Runway-ga markaasina noqon doona Garoonka ugu wayn Uguna quruxda badan Soomaaliya iyo waliba dhismiyaal xarumo oo loo yagleelay Dekeda Boosaaso uuna hindise lagu waynaynayo dekedaas iska lahaa Sidoo kale qorshe Lagu dhisayo garoonka garoowe iyo dekad loo sameeyo dekeda Garacad ee gobolka Mudug.
Maamulkiisa Cadde waxaa kale oo ay ku dhaqaaqeen talaabooyinkii ay qaadeen wasaaradihiisa gaar ahaan Wasaaradii Dowladaha Hoose oo markaasi dhinacyo badan oo Ku aadan jaan goynta canshuuraha ku samaysay dhamaan goboloda Puntland iyo waliba La xisaabtanka Hay,adaha ay ku quseeyaan golayaasha dowladaha hoose ee loo Sameeyay Degmooyinka Puntland iyo figradeeda oo noqonaysa wax lagu faano samaynta goloyaasha degmooyinka.
Sidoo kale waxaa lagu xasuustaa heshiiskii uu la galay madaxweynihii Puntand ee Isaga Ka horeeyay C/llaahi Yuusuf markaasoo uu gudoomiye u ahaa Ururkii la magac baxay Badbaadinta Puntand heshiiskaasoo oo soo afmeeray dagaalo mudooyin socday isagoo Sidoo kale maamulkiisa uu ku caan baxay Nabada iyo sidii loo heli lahaa Qaran Soomaaliyeed oo Federaal ah.
