Dowlada uu Hormuudka ka yahey Madx. Faroole oo shacbiyadeedu kor u kacdey iyo Madaxweynaha oo Shacabka u mahad celiyey
Garowe(Puntlandi.com) Hadii maanta ay ahaan laheyd maalin doorasho Puntland waxaa xaqiiq ah in Madaxweyne Faroole iyo Xukuumadiisu ay si buuxda ugu guuleysan lahaayeen afarsanoo hor leh, Maalmihii lasoo dhaafey ayaa kalsoonida ay shacabku ku qabaan Dowlda ay gaartey meel sare, waxey gaartey meel aysan waligeed Gaarin, Waana markii ugu horeysey taariikhda Puntland uu madaxweyne Kalsooni intaas le’eg uu ka helo shacabka.
Shacab weynaha Puntland ayaa maalmihii lasoo dhaafey gudaha iyo dibadaba waxey muujiyeen taageerada ay u hayaan Xukuumada ay hormuudka u yihiin Madaxweyne Faroole iyo Cabdisamad Cali shire.
Madaxweyne Faroole iyo Golihiisa Wasiirada ayaa maalin cad go’aan adag ka gaarey Xukuumada Kumeel Gaarka ah oo ay u arkeen iney carqalad ku tahey jiritaanka Puntland, go’aankaan ayaa wuxuu horseedey in Shacabka Puntland ayagoo isku duuban ay isgarabtaagaan Dowladooda, Waxaa kaloo Xamaasada shacabka kiciyey Hadalkii kasoo yeerey Ra’iisalwasaare farmaajo oo Shacabka Puntland u arkeen inuu ahaa mid uu ku degdegey, meelka dhacna ku ah shacabweynaha Puntland.
Dadka indha indheeya Siyaasada Soomaaliya waxey isku raceen in Mr. Farmaajo uu ku deg degey ka jawaabida Go’aanka Puntland Gaartey,
Qaar kale waxey yiraahdeen “Maba aheyn inuu isagu jawaab ka bixiyo, sababtoo ah Waxyaabaha dhexyaal Puntland iyo TFG ee ay isku hayaan waa kuwo ka horeyey isaga,oo laga yabo inuusan waxba ka ogeyn”.
Warbaahinta Puntlandi.com oo ah mid kamida warbaahinada isku xira shacweynaha Puntland ayaa maalmihi lasoo dhaafey waxaa soo gaarey ugu yaraan 50 baaq oo kakala yimid jaaliyada Puntland ee Yurub,Carabaha, USA, Canada, Malaysiya, Afrika iyo Austaralia baaqyadaas ayaa jaaliyaduhu iyagoo isku duuban waxey muujiyeen iney garabtaagan yihiin Xukuumada, ayna ku raacsanyihiin go’aanka ay gaareen.
Dhinaca kale Wariyayaasha Puntlandi.com ee gudaha Wadanka ayaa iyana dhinacooda waxay indhohooda ku arkayeen Shacuubta shacabka gudaha iyo Mudaharaadyadii lagu taageerey Dowlada.
Madaxweyne Cabdirahmaan Faroole ayaa jamcadii markuu kasoo laabtey safar gaaban oo uu Jabuuti ku tagey wuxuu sigaara ugu Mahad celieyey Shacabka Puntland Gudaha iyo Dibadaba sidii Geesinimada aheyd ee ay shacuubtooda u muujiyeen. (halkaan ka dhageyso)
Dhamaan Baaqyadii ay jaaliyaduhu soo direen oo ay ku taageerayeen Dowlada waa Gareen Madaxtooyada Garowe.
Puntlandi.com
