Buuhoodle:(Allpuntland)Odayaasha,isimada,Aqoonyahanada,Waxgaradka,Culimada,Haweenka & Madaxda gobolka Ceyn ee Puntland ayaa maanta kulan balaaran oo ku saabsan Difaacista gobolka Ceyn ee dawlada Puntland oo ay isku horfadhiyaan ciidamo katirsan Somaliland & qaarkamid ah dadka deegaanka,Waxaana shirkan lagu soo qaaday sidii ay dadka gobolka Ceyn si wadajir ah isugu difaaci lahaayeen.
Shirkan oo ay soo qabanqaabiyeen qaarkamid ah Isimada gobolka Ceyn ayaa waxaa halkaas hadalo kaladuwan kasoo jeediyey saraakiil katirsan Saraakiisha ciidanka Daraawiishta ee Puntland & qaarkamid ah xubnaha maamulka gobolka Ceyn,waxaana ay sheegeen in dawlada Puntland ay diyaar u tahay difaacista dadkeeda islamarkaasna ay talaabo culus ka qaadi doonaan ciidanka Somaliland ee baliga hagoogane jooga.
Shirkan ayaa waxaa ka hadlay Isimo badan oo ay kamidyihiin,Suldaan Siciid Cismaan Cali,Caaqil Maxamuud Xaaji Cumar Camey,Caaqil Cabullaahi Xassan Qami,Caaqil Cabdisamed Cali Xassan,waxaana isimadani ay goobta ka beeniyeen warar sheegaya inay xiriir la sameeyeen madaxweynaha Somaliland islamarkaansa uu madaxweynuhu codsaday in ay isimadaasi ka qeybqaaataan joojinta dagaalka,iyagoo sheegeey in warkaas ay buunbuuniyeen qaarkamid ah dadka aanan dooneyn in dadka deegaanku ay isdifaacaan,waxayna sheegeen in taaasi ay dhabarjab ku tahay difaacista gobolka Ceyn.
Xuseen Maxamed Aadan (Dhalandhool) oo kamid ah Jaaliyada reer Puntland ee dalka dibadiisa oo shirkan ka qeybgalay ayaa sheegey in Jaaliyada Puntland ee dalka dibadiisu ay shacabka gobolka Ceyn la garabtaagantahay taageero kasta oo ay u baahanyihiin islamarkaasna ay diyaar u yihiin sidii loo difaaci lahaa dadka deegaankaas,wuxuuna sheegey in dawlada Puntland ay ka codsanayeen inaysan ilaawin inay u hagar baxdo gobolka ay dhibaatooyinku ka jiraan ee Ceyn.
