Qaybgalay Madaxda Wasaaradaha Qorshaynta, Cadaalada, Warfaafinta, Arrimaha Gudaha ,Amniga ,PDRC, UNDP, UNHCR & NRC .
Waxaana looga arinsanayey Fulinta Mashruuc lagu magaacabo Peace Building Fund (PBF) oo dhaqaalihiisa ay soo marsiinayso Hay,ada Qaramada Midoobay u Qaabilsan arimaha Qaxootiga ee UNHCR & UNDP, Goobta waxaa lagu soo Bandhigay xogta iyo wax qabadka Wasaaradahaas & Hay,adaha ka soo Qaybgalay Kulanka ee la xiriirta Dadka soo Barakacay.
Daa’uud Maxmed Cumar Wasiirka Qorshaynta Puntland ayaa si Rasmi ah u Furay kulanka oo Maalinle ahaa,waxaana uu sheegay in la Gudagalo waxqabadka Wasaaradaha & Hay,adaha ka soo Qaybgalay shirkan.
Ayaki Ito oo ah Kuxigeenka Wakiilka UNHCR ee Soomaaliya ayaa jeediyey warbixinta Mashruucan & Waxa ay ka qabatay Hay,adu Barakacayaasha iyo isdhexgalka Bulshada kale ,waxaana uu yiri Ujeedada Mashruucan waa Jawi Nabadeed oo ay ku wada noolaadaan Dadka barakacayaasha iyo Bulshada kale, Mashruucan Nabada iyo Dhaqaalaha Qaramada
Midoobay waxaa uu soconayey mudo waxaana uu xooga saaraa Xalinta Khilaafaadka.
Hay,ada UNHCR waa markii ugu Horeysay ee la soo mariyo Mashruucaan Lacagtiisa Hore waxaa inta Badan lasoo marsiin jiray Hay,ada UNDP, Waxaa uu mashruucaan u kala Baxaa 4 Qaybood oo kala ah:-
· In loo helo barakacayaasha Guryo iyo Kaabeyaashi Bulsho
· Jiritaanka Nabad Buuxda
· Tababaro
· Habka loo Maamulo Qashinka Magaalooyinka waaweyn
Axmed Cali Askar Wasiirka Warfaafinta Puntland ayaa Qaatay Hadalka waxaana uu
sheegay in Doorka Wasaaradu yahay Faafinta Mashruucan iyo Wacyigelinta Barakacayaasha iyo Bulshada Degaanka, Warbaahinta Puntland waxaa ay Qayb libaax leh ka Qaadataa Doorka Nabada & Isdhexgalka Umada.
Wasiirka Cadaalada Iyo Garsoorka Puntland Eng Khaliif Xaaji Xasan ( Ajaayo ) ayaa soo Bandhigay waxqabadka Wasaarada ee la xiriira Dadka soo Barakacay iyo Doorka nabada ay ka Qateen waxaana uu yiri waxaanu Faafinay Shareecada Islaamka iyo Darisnimada, wacyigelinta Qoysaska iyo Arimaha la Xiriira Dhaqancelinta Dhalinyarada.
Maxamed Daahir Yuusuf (Saalim)
Raxanreeb.com, Garowe.
