Garoowe:(Allpuntland)-Wafti kasocda dawlada Puntland ee Soomaaliyeed oo isugujira golayaasha kaladuwan ee dawlada, Saraakiil iyo madax ka socotay hay'adaha Qaramada Midoobey ee qaabilsan barnaamijyada Hormarinta ah ayaa booqday degmooyin kamid ah gobolka Sool ee Puntland gaar ahaana degmada Taariikhiga ah ee Taleex oo ahayd Fariisin kamid ah fariisimadii waaweynaa ee taliskii ciidankii Daraawiishta ee la diririjiray mustacmaradii talyaaniga Bilowgii Qarnigii tagay.
Waftigan oo uu horkacayey Wasiirka wasaarada Amniga iyo hubka dhigista malayshiyaadka Gol.Khaliif Ciise Mudan ayna kamid ahaayeen Wasiirka warfaafinta,isgaarsiinta,hidaha iyo dhaqanka Axmed Cali Askar, Agaasimeyaal wasaaradeed, sarakiil dawladeed iyo Xubno kale ayaa meel fagaare ah kala hadlay qaybaha kaladuwan ee bulshada degmada Taleex ee gobolka Sool oo ay u sheegeen in ujeedada ugu muhiimsna ee imaanshahoodu ay ahyad sahmin xaalka nololeed ee dadka deegaankaas.
Wasiirka wasaarada Amniga iyo hub kadhigista malayshiyaadka Gol.Khaliif Ciise Mudan ayaa dadka degmada Taleex ee gobolka Sool u sheegey inay dawladiisu si toos ah uga warqabto dadkaas iyo sida aysan gacanta dawladu u gaarin, Wuxuuna wasiirku sheegey in dawladiisu ay hada kadib dadka reer Taleex adeegyada dawliga ah ka caawin doonto isagoo si gaar ahna hoosta uga xariiqay in ciidamada Booliska ee uu xukumaayi ay si rasmi ah talis uga samaysanayaan degmada Taleex si ay hormarinta amaanka iyo xasiloonida degmadaas uga qaybqaataan.
