Boosaso ( RBC Radio) Wafdiga ayaa galabta ku soo noqday magalada boosaso ee Xarunta gobolka bari oo markii hore ay ka amba baxeen.
Xubnaha wafdiga oo iskugu jira wasiiro,maamulka gobolka bari iyo taliye xigeenka boliska Puntland ayaa Soo gaadhay galabta magalada boosaso.
Inkasta oo aanay jirin faah’faahin ku aadan meelaha ay soo mareen iyo waxa ay ka soo qabteen,hadana gudoomiyaha gobolka bari C/samad maxmed oo la hadlay mid ka mid ah warbaahinta gudaha Boosaso ayaa sheegay in safarkooda si wanaagsan ugu soo dhamaaday.
Gudoomiyaha ayaa sheegay in xog farbadan ay soo helen,taasi oo ku aadan sida xaalada deeganada miyiga ay tahay iyo kuwa xeebaha Gobolada bari iyo Karkaar.
dhinaca kale wafdigani ayaa intii ay ku guda-jireen socdaalkooda waxaa ay soo mareen degmooyinka Xaafuun,baargaal,Caluula iyo meelo kale oo farabadan.
Mana jirin wax carqalad ah oo ka hor yimid marka laga reebo kooxo dhalinyaro ah oo kaga hor yimid duleedka Baar-gaal kuwaasi oo Arbush ku sameyay wafdiga balse markii danbe gudaha ay u galeen baargaal.
Mar sii horeysay wasiirka amniga Puntland Khaliif Ciise oo saxaafada la hadlay ayaa sheegay in ay soo qabteen inta badan Kooxihii dagaalka kala hor yimid duleedka Baargaal.
ugu danbeytiina waxaa la filayaa in ay ka warbxiyaan socdaalkooda ay ku soo mareen Gobolada Bari iyo karkaar waxa uu salka ku hayay iyo waxa u soo qabsoomay.
RBC Radio
