Waxaana ka soo Qaybgalay Masuuliyiin ka socotay Golayaasha Dowladda Puntland ,Madxda Shirkadda Maalgelinaysa ee Golis ,Waalidiin ,Macalimiin, Arday & Marti Sharaf kale.
Xaflada ayaa Abaar marino ay Gudoonsiiyey Shirkadda Golis oo Gacan Fiican ka Geysatay Tartamayaasha oo Kaalimo kala Duwan ka Galay Qur,aanka .
Shiikh Qaasim Axmed oo kamid ahaa Macalimiinta Tartanka Haysay ayaa sheegay ahmiyadda uu leeyahay Tartanka Cilmiga oo ah mid lagu Dhiirigelinayo kor u Qaadidad Diinta & Guud ahaan Barashada Culuumta si loo Helo Dhalinyaro Firfircoon oo ku Dadala waxbarashada oo ay ugu Horeyso Diinta Islaamka.
Shiikh C/raxmaan Aw-Ciise oo ah Madaxa Gudiga Tartanka Qur,aanka Kariimka ah ee Bisha Ramadaan Loo Qabtay Ardayda Dugsiyadda Deegaanada Puntland waxaana u sheegay in uusan jirin Arday Dhacay Tartanka ee ay dhamaan Baaseen , C/raxmaan waxaa kaloo uu ku dhawaqay sida ay u Dhacday Natiijadda Tartanka oo ahayd sidaan.Ardayda ku Guulaysatay 3 Kaalimood ee ugu Horeeya
10 Jus ee Qur,aanka waxaana ay kala Yihiin.
* C/kariin Cali Cismaan waxaa uu Galay kaalinta 1aad waxaa uu ka yimi Waaciya waxaa uu keenay 97.5% Waxaana la siiyey Abaalmarin Lacageed 00 Dhan $600 00 Doolar ,Mobil ,kitaab Qur,aan oo Electronic & Boorsoweyn oo alaab ah.
* Micaad Maxamed Khaliif kaalinta 2aad ka yimi Boosaaso wuxuu keenay 96.5% Golis waxaa ay Gudoonsiisay Lacag Dhan $ 400 Doolar & Boorso Alaab ah .
* C/raxmaan Bader Khabiib Kaalinta 3aad waxaa uu ka socda Qardho waxaa uu keenay 95.5% waxaa uu Helay $300 oo Doolar oo Lacag ah & Boorso Alaab ah.
30 Jus ee Qur,aanka ayaa waxaa Galay 3 wiil oo kala ah:
1. Maxamuud C/raxmaan Samantar Magaalada Qardho waxaa uu keenay 97%Waxaana Shirkada Golis Gudoonsiisay Lacag Dhan $ 1000 ( Kun Doolar ) ,Mobil,Kitaab Qur,aan Electronic, & Boorso Alaab ah.
2. Xudayfi Iimaan Yuusuf oo ka socdan Magaalada Ufayn waxaa uu ku Guulaystay 96.5 % Golis ayaa siisay Abaar marin ah $ 600 oo Doolar & Boorso Alaab ah.
3. Cumar cismaan Cali oo ka socday Magaalada Bosaso Waxaana uu keenay 95.5% waxaa uu ku Tartamay 30 ka Jus ee Qur,aanka Kariimka ah waxaana ay shirkada Golis Gudoonsiisay. Lacag Dhan $ 500 oo Doolar & Boorso Alaab ah .
Ardayda aan Gelin Kaalimaha Hore ayaa Dhamaan laga Simay Lacag Dhan $ 50 Doolar oo Lacag ah & Boorso Alaab ah.
Sidoo kale waxaa Shirkadu Abaalmarino Gudoonsiisay Macalimiintii Gudiga ka ahayd Tartanka Hayey Mudadii uu socday .
Gudoomiyaha Shirkadda Golis C/casiis Guureeye Kaarshe ayaa isagoo ku Hadlayey Magaca Shirkadda Isgaarsiinta Golis waxaa uu jeediyey Hadal kooban oo munaasabadda la xiriira waxaana uu yiri Ma jirto Xaflad ka muhiimsan oo la Qiimeeyo waayo waxaa ay Barteen ilmahaan Xifdinta Qowlka ilaahay,C/casiis waxaa uu ku Booriyey Ardayda in ayHalkaa kasii wadaan Dadaalka Qur,aanka ay ugu jiraan .
C/casiis ayaa waxaa uu si Gaara ula Dardaarmay Barayaasha Qur,aanka in ay ula Dhaqmaan ilmaha si wacan oo dhiirigelinta Waxbarashada la xiriirta .waxaa kaloo uu Macalimiinta ugu Baaqay in ilmaha ku dhiirigeliyaan sidii ay Heer uga Gaari lahaayeen Kitaabka & Guud ahaan Diinta Barashadeeda.
Wasiirka Cadaaladda Arrimaha Diinta & Dhaqancelinta Eng, C/khaliif Xaaji Xasan (Ajaayo) ayaa Qaatay Hadalka waxaana uu u Mahadceliyey shirkadda Golis oo Gacan ka Geysatay & Gudiga Garsoorayaasha ka ahaa Tartanka ,wasiirku waxaa kaloo uu Xusay in loo Baahanyahay in Dhiirgelinta Ilmaha Tartamada Tacliinta Diini & Maadiba si loo Horumariyo Jiilalka soo koraya.
Wasiir Ajaayo waxaa uu Macalimiinta ku Booriyey in ay xiriir & Saaxiibtinimo u Muujiyaan Ardayda ay wax u dhigayaan .
Wasiirka Cadaaladda ayaa Baaq u Diray Waalidiinta Dibadaha ku nool in ay Baraan Diinta & Dhaqanka Dalka Ilmaha dalka dibadiisa ku dhashay si ay u Bartaan Dhaqankooda Luuqadooda & Diintooda.
Ugu Danbayntii wasiirku waxaa uu Bulsho weynta Reer Puntland ugu Baaqay in ay Gacanta isqabsadaan kana wada shaqeeyaan Horumarinta Cilmiga & Barbaarinta Caruurta Reer Puntland.
Gudiga Tartanka ayaa sheegay in aanu jirin Arday Dhacay Tartanka wallow ay ku kala sareen kaalimaha Hore Adaydan.
RBC Radio
Xafiiska wararka ee Garowe
!
