Gaalkacyo:Ugaaska Beesha Tanade oo soo dhaweeyey heshiiskii Gaalkacyo Baaqna u diray Jaaliyadaha Reer Puntland ee dalka dibadiisa.
Gaalkacyo:(Allpuntland)-Ugaas Cali Ugaas Maxamed oo kamid ah isimada dhaqanka ee Puntland islamarkaasna ah Ugaaska beesha Tanade (leelkase) Daarood oo kamid ah beelaha waaweyn ee Puntland dega waxna ka aas aasay ayaa si rasmi ah usoo dhaweeyey heshiis ay Magaalada Gaalkacyo ku gaareen Waxgaradka beesha Tanade oo uu hogaaminayey iyo madaxda dawlada dhexe ee Puntland kadib dagaal ka dhacay Koonfurta xaafada Garsoor ee Galbeedka magaalada Gaalkacyo.
Ugaas Cali Wuxuu sheegey in uu heshiiskaas soo dhaweynayo uuna yahay heshiis muhiim ah oo loo baahanyahay in lawada fuliyo, isagoona Amaanay gudigii ku mashquulsanaa xalinta mushkiladii Gaalkacyo ka dhacday, Waxaana uu sheegey in qaybtii ugu danbaysay ee heshiiskaas oo uu ku tilmaamay Ragcad-Sune ah ay diyaar uyihiin inay fuliyaan taasoo ah in caasimada Puntland ee Garoowe si rasmi ah loogu soo afjaro wada xaajoodyadii mudada ka soconayey magaalada Gaalkacyo.
Dhinaca kale Ugaas Cali Ugaas Wuxuu baaq culus u diray Qurbajoogta reer Puntland iyo kuwa beelaha Daarood ee ku dhaqan dacalada aduunka oo uu u sheegey inuu si wanaagsan ku dhamaaday wada xaajoodkii magaalada ka soconayey islamarkaasna wuxuu Qurbajoogta ugu baaqay inay ka fogaadaan waxyaabaha dadka “War Xuma Tashiilka ah” ay fidiyaan ee sheegaya in Nabadii ay burburtay, Wuxuuna ku celceliyey in heshiis rasmi ah la gaaray uuna rajeynayo in dhib danbe uusan magaalada ka dhicin, isagoona Jaaliyadaha ka codsaday inay dhanka samaanta u bataan ayna ka fogaadaan in iyaga la’isku diro ama ay dhibta dalka ka jirta ka qaybqaataan.
Cabdiqani Xayir
Cqxayir@hotmail.com
Allpuntland Team
