1500 PL police man under training in carmo

[FBISOMALIA]

Carmo, Oct, 22- Dawladda Puntland ayaa tababar usoo xiray ciidamo katirsan booliska Puntland oo muddo sadex bilood ah tababar uga socday kuliyadda ciidanka booliska Soomaliyeed ee degmada Carmo ee gobolka Bari.

Munaasabada lagu soo xirayay tababarka oo ka dhacday degmada Carmo ayaa waxaa ka qaybgalay masuuliyiin katirsan dowladda Puntland oo ay ka mid yihiin wasiirka amniga dawladda Puntland Col: Khaliif Ciise Mudan, wasiiru-dowlaha sharciga madaxtooyada Gen.Yuusuf Axmed Khayr, taliyaha ciidanka booliska Puntland Gen: Cali Nuur Cumar iyo saraakiil kale.

Guddoomiyaha degmada Carmo ee tababarka uu kasoconayay muddooyinkii ugu dambeeyay mudane Xuseen Cawad Cali oo waraysi siiyay Radio Dalijir ayaa waxaa uu sheegay in tababarkan loosoo gabagabeeyay 1500-oo askari oo ka tirsan ciidamada booliska Puntland, waxaana uu sheegay tababarkaan inay dhanka maaliyadda ay ka caawinaysay hay'adda QM u qaabilsan hormarinta hay'adda UNDP.

Guddoomiyaha ayaa dhinaca kale sheegay, inay dhowaan rajaynayaan in tababar loogu qabto kuliyadda ciidanka ee degmada Carmo saraakiisha ciidanka booliska dawladda Puntland, waxaana uu intaasi raaciyay inay tababaradu la xiriiraan baarista dambiyada, sugidda amniga, xiriirka ciidanka iyo shacabka, iyo xeerarka kale duwan ee booliska.

Kuliyadda Ciidanka booliska Soomaliyeed ee degmada Carmo ayaa sidaan oo kale horay tababar ciidan loogu sameeyay ciidamada booliska Puntland iyo Ciidan ka tirsan dowladda Faderaalka ee Somaliya.

Maxamuud Cabdi Ibraahim
Radio Daljir-Bossaso

[FBISOMALIA]

Carmo:(Allpuntland)-In kabadan 1500 oo askari oo qayb ka ah ciidamada booliska Puntland ayaa tababar loogu soo xiray degmada carmo ee Gobolka Bari,kuwaas oo muddo dhan 3 bilood uu tababar uga soconayay Kulliyada ciidanka booliska Soomaaliyeed ee degmada Carmo.

Xaflada tabarka loogu soo xirayay ciidanka ayaa waxaa goob joog ka ahaa,Madax uu horkacayey Wasiirka Amniga ee Puntland Gol.Khaliif Ciise Mudan ayna kamid ahaayeen Wasiirka Dalxiiska iyo duurjoogta Puntland Cabdiqani Yuusuf Cadde, Wasiiru-dawlaha Sharciga ee aqalka madaxtooyada Jen.Yuusuf Axmed Kheyr, Taliyaha guud ee ciidamada Booliska iyo dhaqancelinta Puntland Gol.Calinuur Cumar Saalax iyo saraakiil kale oo ka tirsan laamaha amaanka Puntland.

Taliyaha guud ee ciidamadda Booliska iyo asluubta Puntland Cali Nuur Cumar Saalax oo la hadlay Saxaafadda ayaa sheegay in ciidanka tabarka loo soo xiray ay ka qayb qaadan doonaan xoojinta amaanka deegnaadda Puntland,waxaana uu xusay in ay gudan doonaan waajibaadka shaqo ee horyaala.

Wuxuu intaas ku daray in ciidamada la baray waxyaabo badan oo ay ugu muhiimsanayd,hannaanka dambiga loo baaro,qaabka looga hortago dambiga, qaabka looga daba tago iyo waxyaabo kale oo ay kujiraan qaabka ugu Wanaagsan ee loola dhaqmo bulshada islamarkaasna loo hagaajin karo xiriirka bulshada iyo Ciidamada.

Ciidamadan tababarka loogu soo gabagabeeyey xarunta guud ee tababarka ciidamada Booliska Soomaaliyeed ayaa markii loosoo gabagabeeyey kadib mid mid loogu qaybiyey kaararka aqoonsiga caalamiga ah ee ciidamada aduunka lagu yaqaano kuwaasoo qaab Computer ah loogu sameeyey iyadoo saraakiisha ciidanka booliska Puntland ee xiritaanka tababarkaas joogtay ay sheegeen in aqoonsigani uu yahay mid aan la sawiri Karin ama iyagoo macmil ah la samayn karo taasoo noqonaysa markii ugu horaysay ee ciidamada booliska Puntland qaybo kamid ah la siiyo kaarkarka sawirka aqoonsiga leh ee ay ciidamada boolisku ku howlgalaan taasoo burin doonta in ay cidkasta hada kadib iska xirato dharka ciidamada, Sidoo kalena Isla Carmo waxaa tababar loo furay ciidamo badan oo iyana kamid ah kuwa Booliska Puntland kuwaasoo iyana baranaya shuruucda caalamiga ah ee Boolisyada Aduunka.

Xafiiska Wararka Allpuntland, Boosaaso

[FBISOMALIA]

PL new achievements and first time been used in all somalia include 18 gobols is every new police man would have Police ID electronic hard to make copy of it so the citizen will know that he is real police man not a terrorist, guul PL everyday puntland make us proud

[quark]

[tightrope]

[CismanMaxamud1]