Magalaada Garowe ayaa maanta waxaa xariga looga jaray Bankiga Puntland Salama Bank faraciisa Garowe,waxana munaasabada furitaanku ka dhacdey xarunta cilmi baarista Puntland ee PDRC.
Xafalada ayaa waxa ka soo qaybgalay wasiiro ka tirsan xukuumadda Puntland,qaar ka mid ah mudanayaasha Baarlamaanka Puntland,waxgarad,issimo,culimo,ganacsato iyo marti sharaf kale oo lagu casumey munaasabada.
Wasiir ku xigeenka maaliyada Puntland Cabdi Ibraahim Warsame(Qowdhan) ayaa si rasmi ah ugu dhawaaqey furitaanka faraca Garowe oo horey Bossaso uu furey wasiirka maaliyada Faarax Cali Shire,waxana uu ku darey in Dowladda Puntland ay soo dhaweyneyso talaabadan horumarineed.
Maamulaha bangiga Salama Banka Puntland Maxamed Jaamac Xaashi ayaa sheegay in bangigu ku shaqayn doono nidaamka bangiyada Islaamka,waxana uu soo tiriyey faa’idooyinka ay u leeyihiin koboca dhaqaalaha dalka.
Madasha xaflada ka dhaceysey oo u badnayd khudbado ay soo jeedinayeen masuliyinta iyo marti lagu casumey makrafoonka ayaa waxa dhamaan muujiyeen horumarka balaaran ee laga gaarey dhanka nidaamka kaydka lacagta oo bangigani noqday kii ugu horeyey oo laga hirgeliyo Puntland.
Afhayeenka Issimada Puntland Garaad Cabdulaahi Cali oo ka mid ah dadkii lagu casumey kulanka oo ka hadlay goobta ayaa soo dhaweyey furitaanka bangigan,waxana uu la dardaarmey masuuliyiinta bangiga in ay dhawraan xuquuqda shaqaalaha ka hawlgalaya.
Bangigan oo shirkadda isgaarsiinta Golis hoos taga ayaa waxa uu ku xiranyahay adeega lacag dirsiga ee Mobilka(Sahal Service),waxana sida sheegeen talaabadan tahay mid la jaanqaadeysa horumarka tiknolojiyada casriga ah.
Ugu danbeyn xafalada fuitaanka ayaa waxa soo xirey wasiirka degaanka Puntland Cabdiqani Yuusuf waxana uu tilmaamey in horumarkii ugu badanaa dunida guud ahaan la gaarey 20-kii sanno ee ugu danbeeyey.waxana uu raaciyey in Puntland gaar ahaan intii burburka lagu jirey wax badan u qabsoomey islamarkaasina gaarey horumar balaaran.
Koboca dhaqaalaha iyo horumarka dhinacyada nolosha ayaa waayadan danbe waxa laga dareemayey Puntland,iyadoona ay soo badanayaan shiradda sida gaarka ah loo leeyahay oo la'aamin sanyahay in ay qayb ka qaaaten horumarkadhaqaale Puntland.
