Waxgaradka Gobolka Mudug oo Ka soo Horjeestay Muddo Kororsiga Xukuumada Puntland [Sawiro+Cod]
Updated:- 20 hours ago| 24 Commnets
Waxaa magaalada Gaalkacyo ee xarunta gobolka Mudug modooyinkii danbe ka socday shirar ay yeelanayaan waxgaradka iyo aqoonyahanada gobolka oo looga soo horjeedo xil kororsiga xakuumada iyo barlamaanka Puntland .
Kulamadan oo ay hormuud ka yihiin waxgaradka gobolka iyo ururada bulshada gobolka Mudug ayaa waxaa gabi ahaanba looga soo horjeeda muda kororsiga madaxweynaha iyo qaabka ansixinta dasturka cusub ee puntland oo 15 bishan april afti loogu qaadayo magaalada Garoowe.
Dhamaan waxgaradkii iyo aqoonyahanadii ka qayb galay kulamadan ayaa soo saaray bayaan ah in xukuumadda hadda jirtaa hadii ay ay xilka muddo sanad ah ku kororsato ay tahay mid qalad ah oo aan u cuntami karin shacabka ku nool gobolka Mudug .
Axmed adan dheere oo ka mid ah khuburada dhanka maamul wanaaga isla markaana xilal kala duwan ka soo qabtay dawladii kacaanka ayaa isna ka hadlay qaabka ansixinta dastuurka isagoo sheegay in dastuurka ay ka muuqdaan qodobo danaysi ah oo aan dhab loo qeexin .
Dhagayso Codka Axmed Aadan Dheere
Axmed adan dheere ayaa sidoo kale ka hadlay qaabka uu dastuurka puntland u qeexayo suhdinta gobolka Mudug isagoo sheegay in uusan siwanaagsan u qeexin suhdimaha gobolka uu leeyahay iyo inta degmo uu ka kooban yahay.
Khabiirka ayaa waxaa kaloo uu ka hadlay wasaarada arimaha gudaha ee puntland aysan si toos ah u aqoonsanayn xaduudaha gobolada puntland gaar ahaan gobolka Mudug isagoo sheegay in xaduuda gobolka Mudug ay ku jirto Majhuul.
Ugu danbaytii dhamaan waxgaradka iyo aqoonyahanada gobolka ayaa ku baaqay in ay ka soo horjeedaan muda kororsiga xukuumada faroole iyo qaabka ansixinta dastuurka puntland oo dhawaan afti loogu qaadi doono caasimada Garoowe iyadoo dhanka kale shirar caynkan oo kale ah ay ka socdaan qaar ka mid gobolada Puntland.