Dhalinyarada degmada Carmo ee Gobolka Bari ayaa ku talaabsaday talaabo ku dayasho mudan oo wadaniyadna u dheer tahay kadib markii ay soo afjareen, kana hortageen dad jarayey dhirta, islamarkaana ka samaynayey DHUXUL. Talaabadan oo ay ku dhaqaaqeen dhalinyarada degmada Carmo, oo is xilqaamay, ayaa markii ay howshaas ka hortageen waxay lasoo xireen PN24 iyagoo ka sheekeynaya wixii ay soo arkeen iyo ficilkii ay ku dhaqaaqeen.Saakay markay saacadu ahayd 12:30 ayaa waxaa niman reer miyi ah noosoo sheegeen in meesha la dheho Carmo gargaro oo qiyaastii u jirta degmada 9 km dhinaca koonfur ka xigta degmada una dhexaysa carta iyo carmo laga jaray dhir badan oo isugu jirta qurac iyo galool, oo dabka baxayey meeshaas, gudoomiyaha degmada, odayaal, taliye xigeenka iyo ciidan ayaa ku baxay waxayna soo arkeen in dhirtii la jaray sida ay nimanku shegeen, wixii jarayna ayka maqan yihiin.Galabtay bacda casar ayaa gudoomiyaha, odayaal, ciidan, iyo dhaliyarada ururka Kulmiye Youth Club oo ah urur ka dhisan degmada carmo ayey ku noqdeen meeshi si ay usoo raraan dhirta la jaray, gaari iska roga ahna horay usii kaxaysteen. waxaan soo rarnay wixii gaaru qaadi karay.Cid kuma soo qaban howlgalkaaas lakin waxaan wadnaa baaritaan cida jartay dhirtaa waxaana ku rajo waynahay inaan soo taagto maxkamad qofkaas jaraya dhirta meeshaas oo ah meeshi magalada usoo degi jireen reer miyigu.
Puntland News-24
Carmo, Bari
