Amiir of xisbul xasuuq
versus
Amiir of Khawaarijta alshabaab
Kooxaha Islaamiyiinta oo isku khilaafsan sidii ey ka yeeli lahaayen labada nin ee Fransiiska
--------------------------------------------------------------------------------
Ilo wareed ku sugan caasimada dalka Soomaaliya ee Muqdisho ayaa sheegaya in ururada Al-Shabaab iyo Xisbul Islaam oo 14-kii bishan Hotel Saxafi ka afduubteen Labo Sarkaal oo u dhashay dalka Faransiiska ay gacanta ku hayaan isla markaana ku kala aragti duwan yihiin sidii laga yeeli lahaa labadaasi sarkaal oo Muqdisho ku joogay qaab Suxufinimo.
Warku wuxuu intaa ku darayaa Ururka Mayalka adag ee Al-Shabaab saraakiil ka tirsan ay soo jeediyeen in labadaasi sarkaal la gowraco, taasina ay ku tilmaameen in uu yahay xukun xaq ah waa sida ay aaminsan yihiin, waxayna ku eedeeyeen in ay gacan siinayeen wax ay ku sheegeen Gaalada ku soo duushay dalka iyo Murtidiinta oo ay ula jeedaan Dowladda KMG.
Sheekh Xasan Daahir Aweys oo Madax ka ah Ururka Xisbul Islaam ayaa isagana qaba in aan lagu deg degin xukun adag oo lagu fuliyo Saraakiishaasi la heysto, isla markaana laga wada hadlo iyaga iyo Dowladda ay ka socdaan, lagana qaado lacag madax furasho ah oo dhan Lix Milyan Dollarka Mareykanka ah, wuxuuna lacagtaasi Sheekh Xasan uu soo jeediyay in ay Maliishiyooyinka ay ku dagaal geliyaan.
Hase ahaatee Xubno sare oo uu ka mid yahay Amiirka Al-Shabaab ayaa ka biyo diidan mowqifka Sheekh Xasan Daahir Aweys, wuxuuna soo jeediyay Amiirka Al-Shabaab Sheekh Mukhtaar Abuu Zubeyr (Axmed Cabdi Godane) in Maliishiyooyinkooda ay ka maarmaan dhaqaale ka yimaada reer Galbeedka, in ku filana ay soo gasho, sidaasi darteedna xukunka kaliya ee lagu fulin karo wuxuu sheegay in uu yahay in la bireeyo oo qudha laga jaro.
Arintani ayaa waxay keentay in labada dhinac Maliishiyooyin xaddhaaf ah ay soo tubaan halka lagu haayo saraakiishan, taasoo muujineysa in ay jirto aamin daro soo kala dhex gashay Xisbul Islaam iyo Al-Shabaab.
Ururka Mayal adag ee Al-Shabaab ayaa dadka taageera iyo kuwa la shaqeeya Dowladda KMG marka ay qabtaan waxaa ay ku fuliyaan xukuno adag sida in qofkaasi qoorta laga jaro ama la silic dileeyo, iyadoo horay dhowr qof ay sidaasi oo kale yeeleen.
Ra'iisul Wasaaraha Dowladda Faransiiska Cumar Cabdirashiid ayaa ku eedeeyay afduubka labadaasi sarkaal kooxaha Xisbul Islaam iyo Al-Shabaab, wuxuuna sheegay in ay mas'uuliyada labadaasi sarkaal ay qaadi doonaan wixii ku yimaada.
Cali Muxiyaddiin Cali
Muxiyaddiin@hotmail.com