Ciidamo gaadhaya 3500 oo askari oo kasocda Dawlada KMG ah oo kusii jeeda J/hoose.
Warkii 11-Jun-2007 iyo Qormadii: Afnugaal News Desk
Waxaa kusii jeeda deegaanka J/hoose ciidamo aad ufara badan oo kasocda Dawlada KMG ah ee Somalia ciidamadan ayaa waxa ay ka dhaqaaqeen Degmada Diinsoor ee Gobolka Bay oo u joogeen hawlo nabadayn laba beelood oo halkaa ku dagaalmay.
Ciidamadan ayaa amar lagu siiyay sida warar lagu kalsoon yahay ay nagu soo gaadhayaan inay gudaha ugalaan magaalada Kismaayo oo ay ka xoreeyaan maleeshiyaad Beeleed gacanta kuhaysay magaalada mudooyinkii u dabeeyay kadib markii ay kula wareegeen dagaal qadhaadh oo ay dad badan ku nafwaayeen oo ka dhacay gudaha magaalada.
Ciidamadan ayaa waxaa ay kusoo beegmayaan xilli ay magaalada Kismaayo iyo hareereheeday ay ka jiraan colaado isasii taraya oo ku aadan gacan kuhaynta magalaada iyadoo ay ciidamadii Dawladuna ay kusugan yihiin meel banaanka ka ah magaalada Kismaayo.
Ciidamada kusugan banaanka magalaada Kismaayo ayaa waxaa hogaaminaya Coll: afguduud oo hadhcad laga soo saaray magaalada Kismaayo hadana utafaxadanaya sidii uu dagaal danbe ugu qaadi lahaa magaala Kismaayo oo horay looga saaray waxaana la filayaa in ciidamadan kusoo fool leh magaalada Kismaayo ay ku biiri doonaan ciidamada dibad jooga ah.
Hadaba ciidamadan hadda ku wajahan magaalad Kismaayo ayaa waxaa la filayaa inay keeni doonto gacan kahadal danbe oo ka dhaca magaalada Kismaayo gacan kahadalkaas oo khasaare u keeni kara bulshada ku dhaqan magalaad ama ciidamada markaa dirirtu u dhaxayo taas oo aan ahayn wax meesha ku jirta in khasaare danbe uu ka dhaco deegaanka.
Afnugaal News Desk
info@afnugaal.com
