Gole dhaqan oo ay leeyihiin beelaha Hawiye oo lagu dhawaaqay
Click here to find shabelle news in English
Mogadishu 10, June.07 ( Sh.M.Network) Odayaasha dhaqanka beesha Hawiye ayaa maanta kaga dhawaaqay magaalada Muqdisho gole dhaqan oo ay leeyihiin beelaha Hawiye.
Golahani oo lagu magacabo golaha dhaqanka iyo midnima ayaa maanta looga dhawaaqay magaalada Muqdisho ee xarunta wadanka Somalia, golahan ayaa waxa uu ka kooban yahay sida lagu sheegay warsaxafadeedka ila 151 xubnood kuwaasi oo kala ah guddoomiyaha galaha gudiga fulinta afhayeen iyo waxyaha fulinta.
Warsaxadeedkan ayaa lagu sheegay in ay u dhanyihiin dhamman beesha hawiyo golaha cusub ee maanta laga dhawaaqay magalada Muqdisho.
Golaha ayaa si kulul ugu cambaareeyay qaabka uu iminka u socdo shirka dib u heshiisiinta qaran ee dhawaan lagu wado in uu ka dhaco 14 ka bishan kaasi oo iminka ay ka socoto qabanqaabadiisa magalada Muqdisho.
Qodobada war saxaafadeedka
1) In shirka dib u heshiisiinta uu yahay mid lagu marin habaabinaayo bahweynta Soomaliyeed iyo beesha caalamka kaaso ah mid uga sii daraya xaalada uu dalku iminka marayo.
2) Odayaasha dhaqanka beesha Hawiye waxa ay u soo jeediyeen guddiga qaban qaabada shirka dib u heshiisiinta qaran ee uu hogaaminaayo mudane Cali Mahadi Maxamed in uu qiimeeyo oo uu hooos u eego waxa ay tabanayso beesha Hawiye ka hor inta aan la gaarin xilliga shirka lagu balamay qabsoomidiisa, waxana warka odayaasha lagu sii daray in ay xitaa qoraal ahaan ugu gudbiyeen Cali Mahdi taasi oo ay u sheegeen duqayda in uu la balamay isla markaan uu balan qaaday in uu wax weyn ka qaban doono waxa ay tabanayaan odayaashi, hase ahatee waxa ay shaaca ka qaadeen in aanu dib ugu soo laaban.
3) Waxaanu uga dignay dowladda Somalia in ay joojiso xariga iyo hanjabaada joogtada ah ee ay ku hayso shacabka soomaliyed gaar ahaan kuwa ku nool caasimada Muqdisho iyaga oo xusay in aanay ku jirin axdiga kumeel gaarka ah in lagu tunto xuquuda muwaadinka soomiyeed iyada oo aan loo haynin wax cadayn ah isla markaana aan la galin Karin aqalkiisa iyada oo aan waxa waraaq ah laga wadan maxkamadda.
4) Ugu dambeyntii waxaa warka odayaasha lagu sheegay in ay ku guda jiraan sidii ay qareeno ugu qaban lahayeen dadka u xiran ciidamda Ethoipia iyo kuwa dawladda soomaliya kuwaasi oo ay xaaladooda cafimaad si weyn uga dayriyeen odayaasha dhaqanka.
Arrintaan si kastaba ha ahaatee waxaa golahaan cusub guddoomiye loogu doortay in uu noqdo Xaaji Cabdi Imaan oo haray u ahaa guddoomiyihii odayaasha dhanka beesha Hawiye halka afhayeenka golahana laga dhigay Nabadoon Axmed Diiriye Cali
