[quote]Kulankan haatan ka soconaya degmada Caabudwaaq oo ay qeybgalayaan ,dhamaan gudoomiyaasha degmooyinka galguduud ayaa waxaa lafilayaa in ay ka soo baxaan qodobo amaanka gobalkaasi wax looga qabanayo.[/quote]
Caabudwaaq: "Argagixisada ku sugan gobalkeena ayaan rabnaa in aan ka saarno"Gudoomiyaha degmada Guriceel Daa'uud Cabdi Daa'uud.
22. juni 2007
APL
Caabudwaaq(AllPuntland)- Gudoomiyaha degmada Guriceel Daa'uud Cabdi Daa'uud ayaa wuxuu sheegay in ay kulan ay ku yeesheen degmada Caabudwaaq ee waqooyiga gobalka galguduud.
Daa'uud Cabdi Daa'uud wuxuu sheegay in degmooyin ka mid ah gobalkaasi galguduud ay ku sugan yihiin ,kooxihii dawlada Soomaaliya kula dagaalamay magaalada Muqdisho amaan darana haatan ka wada gudaha gobalkaasi.
Gudoomiyaha ayaa wuxuu sheegay in ay doonayaan ay arintaasi wax ka qabtaan,maadaama amaan darada ka jirta gobalkaasi galguduud ay ugu weyn tahay haraadigii Maxkadamaha oo ku sii xoogeysanaya.
Mr.Daa'uud ayaa waxaa wax laga weydiiyay awooda ay uleeyihiin ay wax ka qabtaan xubnaha ka tirsan haraadigii Maxkamadaha ee deegaanadaasi ku dhuumaaleysanaya ayaa wuxuu sheegay in aysan haatan heysan awood balaaran,balse wuxuu carabka ku dhuftay in ay dawlada Soomaaliya ciidamo usoo direyso.
Gudoomiyaha degmada Guriceel wuxuu sheegay in ay degmooyin ka mid ah guriceel ay joogaan haraadigii Maxkamadihii awoodada lawiiqay,wuxuuna si gaar usheegay in ay xiliga habeenkii ah soo baxaan.
Wadada dheer ee isku xirta gobalada dhexe ee Soomaaliya ayaa waxaa ka jirta amaan daro baahansan ,taasna waxaa loo tiriyaa inta badan maamul la'aanta ka jirta galguduud,wuxuuna ka codsaday gudoomiyaha degmada Guriceel in ay taageero Milateri siiyaan maamulada Puntland iyo gobalka Hiiraan.
Daa'uud Cabdi Daa'uud wuxuu intaasi raaciyey in ay dhawaan filayaan in hubka dhigis lugu sameeyo ,kooxaha amaan darada ka wada gudaha gobalkaasi oo sheegay in ay diideen dalab ay dawlada Soomaaliya usoo jeedisay oo ku aadanaa in ay hubka ku wareejiyaan Ugaaska beesha Cayr.
Kulankan haatan ka soconaya degmada Caabudwaaq oo ay qeybgalayaan ,dhamaan gudoomiyaasha degmooyinka galguduud ayaa waxaa lafilayaa in ay ka soo baxaan qodobo amaanka gobalkaasi wax looga qabanayo.
Faarax C/qaadir Geylan
AllPuntland
)