I guess Sheekh Shariif Sheekh Axmed is doing alot of damage.
Galguduud: Xasan Daahir Aweys oo ku wajahan Gobalka Galguduud.
6. november 2008
Galguduud(AllPuntland) Xasan Daahir Aweys oo ka mid ah Xubnahan wali diidan wada hadalada dibu heshiisiineed ee nabadda loogu raadinayo Soomaaliya ayaa todobaadka soo socda wuxuu ku sii jeedaa gobalka Galguduud ee bartamaha Soomaaliya.
Xasan Daahir ayaa booqashadiisan gudaha Soomaaliya ay noqoneysaa tii ugu horeysay ee uu ku yimaado Soomaaliya, labo sanno ka dib markii laga saaray guud ahaan Soomaaliya.
Xasan Daahir ayaa ka soo duulaya Magaalada Asmara, waxaana lasheegayaa in uu socdaalkiisan yahay mid ka soo horjeeda qorshaha Sheekh Shariif ee ku aadan nabad ku soo celinta gudaha dalka Soomaaliya.
Mr. Aweys ayaa saldhig weyn ku leh gobalka Galguduud oo ah halka uu ka soo jeedo, wuxuuna la kulmi doonaa qaar ka mid ah Maleeshiyo ka amar qaata & Odayaasha dhaqanka wuxuuna kala hadlayaa sidii ay usii wadi lahaayeen dagaalada ay kala soo horjeedaan dawladda Faderaalka ee Soomaaliya.
Dad ku dhow dhow Xasan Daahir ayaa warkan shaaca ka qaaday, waxa ayna ku tilmaameen in uu Xasan tagi doono gobalo ka mid ah gudaha dalka Soomaaliya, isagoo la kulmi doona dad kala duwan oo uu kala hadlaya hirgalinta waxyaabaha uu doonayo in uu dadkan kala hadlo.
Xasan Daahir Aweys intii aan la wiiqin awoodii Maxkamadaha wuxuu ahaa Hogaamiyaha golihii Shuurada ee Maxkamadihii oo xiligaasi hayay talada gobalo ka mid ah gudaha dalka, wuxuuna markii la tagey Asmara noqdo xubin ka mid ah Isbaheysi halkaa lugu dhisay balse goor dhaw burburay.
Xasan wuxuu ka soo qeybqaatay dagaalo badan oo ka dhacay gudaha Soomaaliya, waxaana la xasuustaa dagaal hor boodayay ka dhacay deegaanada Puntland, markaasna uu madax u ahaa ururka la yiraahdo Al-Itaxaad oo ka midahaa xiligaasi cidii diidaneyd in deegaanada Puntland ka taliyaan cid aan ayaga aheyn.
Waxaana la xasuustaa in uu dhawaan si cad usheegay in uu ka soo horjeedo dadaalada nabdeed ee ka socda gudaha dalka Soomaaliya, wuxuuna sheegay in ay wadayaan dagaalada ay kala soo horjeedaan ciidamada dawladda Faderaaliga ah ee Soomaaliya & Saaxiibadooda caawinaya.
F. C. Geylan
AllPuntland
